درگه خالق سبحاندی علی نین قاپیسی #حیدریه_فاطمیه_سیدبشیرحسینی

علینون قاپیسی
.
زبدة الاشعار
.
?: @nohe_torki
.
سید بشیر حسینی میانجی
.
درگه خالق سبحاندی علی نین قاپیسی
مأمن سائل و سلطاندی علی نین قاپیسی
.
چون علی ناطق قرآندی دئسم واردی یری
جلد و شیرازه ی قرآندی علی نین قاپیسی
.
کیم بهشت ایسته سه دووسین بوصفالی قاپینی
چون درِ روضه ی رضواندی علی نین قاپیسی
.
حیف اولا ساخلامادی حرمتینی بیر عدّه
ظلمیلن اود دوتوپ اودلاندی علی نین قاپیسی
.
شعله سیندن آلشوب بال و پر پروانه
ائله بیل شمع شبستاندی علی نین قاپیسی
.
در و دیوار آراسیندا گل جنّت یاندی
یان دیلیم یان نجه کی یاندی علی نین قاپیسی
.
یا رسول الله اوزون عترتیوه خاطر گل
قانیله گور نجه الواندی علی نین قاپیسی
.
نوک مسمار باتوبدور قیزیوین سینه سینه
سر بسر قانیله غلطاندی علی نین قاپیسی
.
اولمادی فاطمه نین حالینه بیر کیمسه یانان
حالینه بیرجه فقط یاندی علی نین قاپیسی
.
#حیدریه_حیدریه_مدح
#فاطمیه_فاطمیه_شهادت
#درگه_خالق_سبحاندی_علی_نین_قاپیسی
#سیدبشیرحسینی
#ترکی
.
#زبدةالاشعار

?: @nohe_torki