زبدةالاشعار

گل عم اوغلی باشیم اوسته ناخوشام عیادت ایله #فاطمیه_رجایی_تبریزی

در بالین حضرت زهرا(س)
سوال و جواب
.
زبانحال حضرت زهرا(س)
#گل_عم_اوغلی_باشیم_اوسته_ناخوشام_عیادت_ایله
زبانحال حضرت علی (ع)
#آغلاما_سرشک_چشمون_توکمه_گلعذاره_زهرا
.
.
#سبک_سو_یوخومدی_قیزلاروندان … 5 سبک
.
.
مرحوم #رجایی_تبریزی
.
.
.
گل عم اوغلی باشیم اوسته ناخوشام عیادت ایله
توکمه اشگوی عذاره، آز منی خجالت ایله
.
یوخدی دردیمون دواسی، سولدی عمریمون صفاسی
فاطمه دلون فداسی، یاسینی تلاوت ایله
.
.
آیریلوخ زمانی گلدی ای منیم عزیز جانیم
جان ویرنده قویما یالقوز یوخدی کیمسه مهربانیم
قوم و خویش و اقربادن بیر سنه گلور گمانیم
من آناسیزام یتیمم، امریمه نظارت ایله
.
.
دوتموشام گهی حسین و گاه زینبیله الفت
آیریلانمورام عم اوغلی چوخ چتندی درد فرقت
مشکل امردور بلورسن هر کسه همین بو ساعت
باری گل اوتور یانمدا جان ویرنجه صحبت ایله
.
.
اختیاریم اولسا سندن آیریلانمارام عم اوغلی
باشیم اوسته باری اگلش بیر زمان وارام عم اوغلی
پیک حق گلنده آندیر، وار منیم یارام عم اوغلی
سویله ناتواندی زهرا، سن اونیله رافت ایله
.
.
گر چه آز اولدی عمریم بو فنا جهاندا اما
هر مصیبته دایاندیم کیم دوزر بو درده آیا؟
قویدولار قاپی دالندا، قاننه بویاندی زهرا
محسنه دئدیم اوغول گیت جدوه شکایت ایله
.
.
تاپشوروب منی پیمبر بو گروه کین شعاره
ایتدیلر غریبه حرمت اف اولیدی روزگاره
ووردی بیر لگد او ظالم، اولمادی بو درده چاره
دوشموشم داخی ایاقدان اهل ظلمه لعنت ایله
.
.
اذن ویر گیدوم عم اوغلی آتاما ایدوم شکایت
عرض ایدیم که سن گیدندن امتون تاپوب جسارت
شاهد ایسته سه یوزومده سیلی دن قالور علامت
سنده آتامون یانندا بو سوزه شهادت ایله
.
.
قوی دیوم سنه بو دردی کیمسه یوخدی صاق صولومدا
من نجه دوزوب دایاندیم سنده دوز منیم یولومدا
غسلیمی ویرنده گورسن قمچی یرلرین قولومدا
آغلاما گوزون فداسی صبر و استقامت ایله
.
.
باخمادی شقی جماعت درد و غم غزالیم من
مهربان آتام ئولوبدی یاسلیم عزالیم من
قویدولار قاپو دالندا سینه دن یارالیم من
غسلمی ویرن زماندا حالیمی رعایت ایله
.
.
کیم بولور قاپوم یاناندا چکمیشم نلر عم اوغلی
ایلدیم قاپی دالندا سینه می سپر عم اوغلی
حامله بیر عورت اولسا کیم اونی دویر عم اوغلی؟
دویدولر منی بو امت، ظلمه باخ قضاوت ایله
.
.
اشقیای امت ایتدی حالیمی عجب رعایت
غصه دن بلیم بوکولدی بسدی گوردوقوم مصیبت
گلمسون جنازم اوسته حقیمی دانان جماعت
قبره قوی گجه زمانی فاطمه نی راحت ایله
.
.
حقی وار جنازم اوسته باش آچا وفالی زینب
زلفنی یولا گورنده سینه می یارالی زینب
قویما آغلاسون عم اوغلی حالیمه بلالی زینب
ایندیدن بالامی صبر و محنته هدایت ایله
.
.
یوز ویرور جهاندا بولم چوخ بلا او مبتلایه
قارداشیله شرکت ایلر ماجرای کربلایه
درس عشقی ویر دایانسون دین یولوندا هر بلایه
زینبی مروج دین، حامی شریعت ایله
.
.
زینببم قالار کمکسیز، توش اولار هامی بلایه
اشقیای شام النده من کیمی گلر نوایه
من گرک گیدم دالنجا شهر شام و کربلایه
سنده گل او گون منیله کربلاده شرکت ایله
.
.
ای امیر اهل عالم، وی حبیب حی داور
ای خلیفه پیمبر، وی شفیع روز محشر
بیر امیدیله(رجائی) اهل بیته حرمت ایلر
چوخ گناهی واردی سنده حشریده شفاعت ایله

متن پیشنهادی:  گل هرایه آنا اماندی #صادقیه_رستگار_حسنی

.
#فاطمیه_شهادت
#ترکی #فاطمیه
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی