در سوگ سردار دلها
شهید حاج قاسم سلیمانی
.
زبدة الاشعار
.
: @nohe_torki
.
#ستار_رزاقی
.
دست قدرتله خدا، محو ائله استکباری
قطع نسل ایله بِله دشمن بدکِرداری
.
بیر خطایه گینه ال ووردی او شیطان بزرگ
کی شهید اِیتدی سلیمانی کیمی سرداری
.
نِجه سردار کی حق یولدا فدایی سرباز
جان و دِلدن اودی اسلامه اِدیردی یاری
.
هاردا احساس ایلسِیدی کی اونا واردی نیاز
باش و جانیله گیدردی او دیاره ساری
.
تک نه ایران، تانوری بو کیشینی اهل جهان
چونکی هر یِرده اولوب دشمنیله پیکاری
.
نه مجاهد، نه فداکار، نجه مرد جهاد
کی چتین بیرده گوراق بیر بِله پرچمداری
.
دائما دست ادب سینه ده اول کان ادب
جان و دِلدن اولوب ائوز رهبرینون غمخواری
.
موبه مو رهبرینون امرین اِدیبدور اِجرا
خطّ و مشی اولدی اونا سیدعلی گفتاری
.
خسته لیق بیلمدی عمرونده او سردار رشید
همّتیلن ولی هر یِرده یوروب کّفاری
.
اهلبیتین حرمین گوزلدی عباس کیمی
قویمیوب چپ باخا اول قبریلره غدّاری
.
عاقبت حیله و نیرنگیله دست شیطان
دامه سالدی او وفادار سپهسالاری
.
یخدیلار تولکی صفتلر یِره الله شیرین
اِیتدیلر قانینی توپراقلارین اوسته جاری
.
الینی سالدیلا پیکردن ابوالفضل کیمی
دار غربتده توکولدی یِره ناحق ثاری
.
مونی بیلمیلّه کی ناحق توکولن قان باتماز
گتورر جوشه یقین خون هامی احراری
.
گله جاق عرصیه مینلرجه سلیمانیلر
دین اسلامه همیشه ایده جاقلار یاری
.
پرچم دینی سرافراز اِلیوب عالمده
یخاجاقلار یره حتما علم اشراری
.
باش و جان راه ولایتده وِیرر هرعاشق
چونکی عاشق ره جانانیده خوشلار داری
.
سنده رزّاقی شریک ایله ائوزون بو غمده
داخی دنیا گوزی گورمز بیله بیر سرداری
.
#انتقام_سخت
#قاسم_سلیمانی
#دست_قدرتله_خدا_محو_ائله_استکباری
#ترکی
.
#زبدةالاشعار
.
: @nohe_torki
نظر دهید