شهادت حضرت زهرا (س)
.
.
.
#سبک_سو_یوخومدی_قزلاروندان … 5 سبک
.
.
مرحوم کهنمویی
.
وقت ظهرده سولان گون عمرینون بهاری زهرا
نصف شبده دفن اولوندی جدّی یادگاری زهرا
.
آشکار آلندی حقی
نعشی دفن اولوندی مخفی
تیره روزگاری زهرا
.
.
رحلت ایلینده جدّی تاپشوروب اونی امانت
هر بیر عضونی بدنده ویردی سالم و سلامت
گچمدی او قدری امّت ایتدیلر اونا خیانت
بی وفالرین الیندن گوردی در فشاری زهرا
.
.
رسمدور آغاجدا میوه نارس اولسا تیز دریلمز
گورمسه فشار و صدمه توپراق اوستنه سریلمز
سسلدی که فضه ئولدوم حالیمی بیر اوزگه بیلمز
گل علینی سسله گلسین اولدی غم شکاری زهرا
.
.
غنچه بیر گلی چمندن صرصر خزان آپاردی
ظلم و جور اشقیادن محشره نشان آپاردی
سقط الوب بالام یخلدوم توپراق اوسته قان آپاردی
گور نه حاله قالدی فضّه لیل اولان نهاری زهرا
.
.
سعی ایدلَّه بو جماعت ایتمه سین علی خلافت
داندیلار غدیرِ خمّی ایلیوبله نقض بیعت
شایع اولدی خلق ایچینده نه فدک ندور وصیت
قبرینه گرگ آپارسون قلب داغداری زهرا
.
.
آتش ستم شراری قلب ماسوانی داغلار
اوز رعیّتی امامین قولّارین طنابه باغلار
وای قیزیم دئیر خدیجه سس چکر پیمبر آغلار
جدّینه نشان ویرنده نیلگون عذاری زهرا
.
.
فضّه جبریله آلولّار ملکیمی منیم الیمدن
من ئولنجه چکمرم ال سالمارام سوزین دیلمدن
تا بو انتقامی خالق آلمیوبدی قاتلیمدن
خشک اولا بیر آنی قویماز چشم اشکباری زهرا
.
.
ویرسه اذن اگر عم اوغلوم مسجده گذار ایدم من
بو اسفلى حالتیله حقّی آشکار ایدم من
غاصب ستم شعاری خلق ایچینده خوار ایدم من
کسب ایدر بو خدمتنده عین افتخاری زهرا
.
.
یاسلیام عزالیام من سسلرم اودور بابام وای
گلمدی هانی عم اوغلوم تا دیّم اونا یارام وای
آغلوری حسن حسینیم زینبیم دیور آنام وای
صفحۀ عذاره باغلور دیده آبشاری زهرا
.
.
صبر ایدوب دوزوب دایانّام چوخ بلایه آز زماندا
سیلی ضربه سینده گوردوم حقّیمی عدو داناندا
سینمه شراره یتدی اوت دوتوب قاپوم یاناندا
توش ایدر گَلن بلایه چشم زخمداری زهرا
.
.
ظلم و جور دشمن اولدی جور اشقیایه سرمشق
شایقم که صبریم اولسون آل مصطفایه سرمشق
اولماسا سقیفه ظلمی ظلم کربلایه سرمشق
خیمه گاهده گورنمز نار پر شراری زهرا
.
.
اوندا که قشون توکلدی خیمه لر تالاندی یاندی
وامحمّدا صداسی اوج ایدوب گوگه دایاندی
زینبیم دئیر سویولدوخ داده گل حسین آماندی
گورمسون عدو الینده اؤرتدوقی خِماری زهرا
.
.
ئولمیوبدی کهنموئی وار نقدری روحی تنده
طالبان عزّ دنیا مال و جاهه فخر ایدنده
فخر ایدر بونا جهاندا خادمم حسینه منده
وار سنون شفاعتونده چشم انتظاری زهرا
.
.
#فاطمیه_کهنمویی
#ریاضی_تبریزی
#فاطمیه_شهادت
#وقت_ظهرده_سولان_گون_عمرینون_بهاری_زهرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید