استمداد حضرت قمر بنی هاشم (ع)
.
✍️ #زبدةالاشعار ✍️
.
🆔: @nohe_torki
.
مرحوم شانی تبریزی
.
دشمنلر آلدی دوره می قارداش یتش امدادیمه
جلاد الینده قالمشام یوخ کیمسه یتسون دادیمه
.
.
نه بی حیادور کوفیان اف بو حیاسیز ملته
تیره نشان ایلوب منی سقائیدیم بو علته
من غیرت الله اوغلیم اولمام رضا بو ذلته
باشیم گیدینجه دل آچوب عجز ایتمرم جدیمه
.
.
هر چند ایستردیم ئوزوم قانیم ویره رونق یره
اما کمین ایتدی منی بیر بی حیا ناحق یره
بیر ظلم ایدوب قولدان الیم الدن دوشوب بیدق یره
قولسوز یخلدیم سسلدیم قارداش یتش امدادیمه
.
.
هر یرده سقالر دوشر عشق عالمینده رشگیمه
سو اوسته آخدی باشمین قانی قاریشدی اشگیمه
بیرده گلردیم خیمیه اوخ دگمسیدی مشگیمه
مشگه دگن اوخ واقعاً دگدی دل ناشادیمه
.
.
اوندا که نهر علقمین اوستونده نصب ایتدیم لوا
دولدوردوم اوّل مشگمی میل ایلدیم صوندان سویا
سو اللریمه یتمه میش دلدن اوجالدی آه و وا
سس گلدی سو ایچمه دایان دوشدی سکینه یادیمه
.
.
منده ازل ده أکدیقیم نخل وفانی بیلمه دیم
یعنی وفا شرطین بولوب رسم وفادن گچمه دیم
غنچه دوداقین اصغرین یاده سالوب سو ایچمه دیم
گر چه بوگون اوچ گون اولور سو دگمیوب اکبادیمه
.
.
ناگه ابوالفضلین سسین آلدی غریب کربلا
بولدى وفالی قارداشین واردی باشندا نه بلا
قویدی بلینه بیر الین معناده سسلندی بلا
سندی بلیم خم یتدی چون اول قامتی شمشادیمه
.
.
فوراً یتوردی مهربان قارداش باشی اوسته ئوزون
رأفت طریقیله ازل سیلدی او قان دولموش گوزون
صوندان دیدی قارداشینه بو طرزیله گویا سوزون
باخ خیمه لرده شیونه رحم ایت غریب اولادیمه
.
.
عالمده بیرکس گورمیوب بیر بیله یاره بیر بدن
بو باش بوقول بو جسم و جان بوسینه بو پیکر بوتن
بازار شام و کوفه نین اوضاعینی ایلر علن
زینب یانار دشمن گولر نه یوز ویرر سجادیمه
.
.
گورسه بو نوعی عترتیم بو پاره پاره پیکری
باشین آچوب زلفین یولوب ایلَلَّه برپا محشری
لیلا اوغول وای سسلمز یاددان چخاردار اکبری
قاسم آناسی اوخشاماز اول قاسم ناشادیمه
.
.
اوج ایتدی بو درد و مرض صبرین ایوین تاراج ایدوب
غربتده بو انصافسیز دکترلره محتاج ایدوب
الهام غیبی دردیمه بیر فکر استعلاج ایدوب
باب الحوائج آدینی زینت ویروب افرادیمه
.
.
ای نور عین فاطمه محبوب حی ذو الکرم
گر چه گنه کارم گنه اما قاپوندا نوکرم
من شأنیه اولسان شفیع وار خالقیمده چوخ کرم
قویماز بو رنج و بو مرض رخنه سالا بنیادیمه
.
.
.
.
#عباسیه_شانی_تبریزی
#عباسیه_شهادت
#دشمنلر_آلدی_دوره_می_قارداش_یتش_امدادیمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید