زبانحال حضرت امیرالمومنین علی(ع) هنگام دفن حضرت زهرا (س)
.
زبدة الاشعار
.
: @nohe_torki
.
مرحوم سید حسین #رجایی_تبریزی
.
دفن ایدنده حضرت زهرانی میر مقتدا
وار یری بو سس گلیدی قبریدن یا مرتضی
.
شاه بیت :
بو اگر من تاپشوران سالم امانتدور علی
قولاریندا سینه ده بو نه علامتدورعلی
.
.
من بیله تاپشورمامیشدوم عترتی بو امّته
حکم شورادور یقین باعث بو هتک حرمته
یوخسا بو نوعیله کیم صدمه وورار بیر عورته
ایلیه سقط جنین گور نه شقاوتدور علی
.
.
برعلیه مسلمین تأسیس اولان شورایه باخ
حقّی ناحقّ ایتماق اوسته شورش غوغایه باخ
حکمه باخ محکومه باخ مأموره باخ اجرایه باخ
مجلس شورا دیمه دارالجنایتدور علی
.
.
دین یولوندا ترک قیلدیم لذّت دنیانی من
تاپشوروب گیتدیم مسلمان امّته قرآنی من
بیرده ایتدیم توصیه حقّ ذَوِی القُربی نی من
بو مگر احکام قرآندان اطاعتدورعلی
.
.
حقّیوی نه عذریله غصب ایلیوب اهل جفا
قولّاری باغلی آپاردی مسجده مندن صورا
یادلاریندان چیخدی یوخسا آیۀ قُل اِنّما
بیر ایله آیه که عنوانِ ولایتدورعلی
.
.
ایشلری هرگز موافق اولمادی گفتاریله
ووردولار اسلامه صدمه بیر ایله رفتاریله
ئولدوروب زهرانی کیملر ضربۀ مسماریله
حکم قتلین ویرماقا علت ریاستدور علی
.
.
من قیزیم زهرانی بسلردیم نه عزّتله اوزوم
واضح اولموشدی جهانه بضعةٌ مِنّی سوزوم
ایمدی نه نوعیله گورسون اشقیا ظلمین گوزوم
امّتیمده بُلمورم بو نه جسارتدور علی
.
.
مجلس شوراده چوخ ظلمین بناسین قویدولار
درگه وحی خدانی اود ووروب یاندوردولار
نیلموشدی بو قیزیم زهرایه قمچی ووردولار
بو جفا و ظلملر اجر رسالتدور؟، علی
.
.
بو مسلّمدور که مرهم گوتورر بعضی یارا
بو یارا مرهم قبول ایتمز داخی واحسرتا
یا علی انسیه ی حورا هارا سیلی هارا؟
قولّاریندا سینه ده بو نه علامتدور علی
.
.
ای (رجایی) دوتدی قلبین اود سنون بیر آز دایان
تک دگولسن چوخدی بو دریای غمده غرق اولان
وار امیدین حشریده ایتسون دعا زهرا آنان
روز محشر موجب عفو و شفاعتدور علی
.
.
#سبک_زینبم_جان_اوستیم … 4 سبک
.
#فاطمیه_شهادت
#دفن_ایدنده_حضرت_زهرانی_میر_مقتدا
#بو_اگر_من_تاپشوران_سالم_امانتدور_علی
#ترکی
.
#زبدةالاشعار
.
: @nohe_torki
نظر دهید