زبان حال حضرت زینب (س) در شهادت حضرت علی (ع)
..
..
مرحوم خوندل تبریزی
..
..
ای بابا هجرون ایدور برپا قیامت زینبه
کربلادن گوسترور معناده آیت زینبه
..
..
گون به گون آرتور بلامی بو بلالی باشیمون
سن بویاندون قانه آرتدی شدّتی گوز یاشیمون
شور عاشوراسی گورسندی حسین قارداشیمون
ایلدی بو غم بیر اوزگه غم حکایت زینبه
..
..
چون که آگاه ایتموسن اوز سرنوشتیمدن منی
دولدورام درّ سرشگیله سزادور دامنی
مو به مو چون شرح ایدور بو غم همان هنگامه نی
هر طرفدن یوز ویرور درد و مصیبت زینبه
..
..
سن شهید اولدون منی مأیوس هجران ایلدون
پرده پرده فرقتونده باغریمی قان ایلدون
حالیمی آهیمله زلفیم تک پریشان ایلدون
ناله و فریاده اولدی خوش اشارت زینبه
..
..
من آنامدان ای بابا آلدیم دوزوم سرمشقنی
ابر نیساندان آلوب اما گوزوم سرمشقنی
قلبیمون ویردیم ولی صبره اوزوم سرمشقنی
قوی محیط اولسون غم و درد و ریاضت زینبه
..
..
ای بابا سن تاپشوراندا بستر عزّتده جان
دوره وی آلموشدی بیر عدّه عزیز و مهربان
کیم اوغار آنّین حسین ضعف ایلیوب آخدوقجه قان
قتگاهینده کیم ایلر بس حمایت زینبه
..
..
باشوین بیر زخمدن آرتوق دگلدی یاره سی
هر مداوائیله امّا حیف اولموب چاره سی
وای او گوندن کیم حسینون پیکر صد پاره سی
منظر اولسون مبتلای درد و محنت زینبه
..
..
محتضرده تشنه لیق وار خاصّه اولسا زخمدار
ایستینده سن سو سود حاضر ایدردیم بیقرار
اوغلون اما سسلینده یاندیم آی قوم شرار
سو ویرر اوخلار تاپار غم اکثریت زینبه
..
..
تک نه چرخ کج روش جور و جفادن دویمادی
زادۀ ملجم اگر ظلمنده نقصان قویمادی
جسمیدن اما حسینیم تک لباسین سویمادی
داد او ساعتدن آچالّار دست غارت زینبه
..
..
ای شه مشگل گشا وی خسرو خیبر شکن
سن اوزون ترمیم ایله وار ایشلریمده هر شکن
یازدیقیم اشعاره تا توش اولماسون گوهر شکن
ایلسون خوندل دل صافیله خدمت زینبه
..
..
#حیدریه #خوندل_تبریزی #حیدریه-شهادت #ترکی #زبدةالاشعار
نظر دهید