شهادت حضرت زهرا(س)
.
✍️ زبدة الاشعار ✍️
.
🆔: @nohe_torki
.
#قیزیل_قلم
.
#مهدیه
.
دلاایتگین گئدن یوسف گلر کنعانه غم چکمه
يئنه رونق وئرر بو کلبه ی احزانه غم چکمه
سَپر آبِ محبت هر دل سوزانه غم چکمه
گؤرر امنیّتِ کامل بو پوزقون خانه غم چکمه
دولار شَهدِ شکردن ساغر و پیمانه غم چکمه
.
.
غمِ هجرانه دُؤز ائتمه شکایت روزگاروندن
چالیش بهره آپار جانا خزانین دن بهاروندن
اؤزو واقف دیر اُوْل مولا نهان و آشکاروندن
داریخما ای دلِ غمگین بو گیزلین انتظاروندن
گلر بیر گون غم هجران یِئتر پایانه غم چکمه
.
.
دلِ غم دیده صبر اِئیله بلالر جاودان قالماز
کؤچر بو کاروان ائتمز بو مأواده مکان قالماز
همیشه بلبل شوریده سر باغریندا قان قالماز
گئچر بو سایه ی ظلمت باشین اوسته دومان قالماز
بو ناسامان کؤنول حتماً یِئتر سامانه غم چکمه
.
.
عجب دیر گردش دوران سنه وِفقِ مراد اولماز
نَقدری گلمَییب صاحب زمان احباب شاد اولماز
امامین گؤزلیین ثابت قدم دیر حزب باد اولماز
اینان جورِ زمانه دُؤزمیین دن مردِ راد اولماز
تحمّل ائیله باخما گردش دورانه غم چکمه
.
.
زیارت اشتیاقیلن اگر دوشسن بیابانه
گَرَک صبر ائیلییب دؤزمک فشار و زجرِ دورانه
کیم ایستر کعبه ی حقّی دؤزر خارِ مغیلانه
جفا چکدیکجه آرتار حُبِّ قلبی عشقِ جانانه
توسّل اِئیله عشقیلن شهِ مردانه غم چکمه
.
.
#حیدریه_مدح
.
علی شاه ولایت مصدر امر هدایتدیر
علی ساقی کوثر مشعل پرنور امّتدیر
علی مشکل گشا اژدر فِکن کان شجاعتدیر
علی میرِ عدالت قاضی روزِ قیامتدیر
علینین عشقینه دوشسن اگر زندانه غم چکمه
.
.
علی ساقیِّ کوثردیر علی دن جرعه جام ایسته
علینین جام عشقین نوش قیل درده دوام ایسته
واریندیر هرنه حاجت سن علی دن صبح و شام ایسته
علینین سایه ی لطفین باشیندا مستدام ایسته
علینین شمعینه اول عشق لی پروانه غم چکمه
.
.
سوار کشتی نوح اُول هراس ائتمه بلایادن
اگر رهبر علی دیر غوص ائله سن قورخما دریادن
اؤزو امداد ائدر مولا گؤتورمه اَل تمنّادن
یَمِ خوف و رَجاده اولما غمگین موجِ بلوادن
تلاطم ائتسه دریا دوشسه ده طوفانه غم چکمه
.
.
بیلین ای اهل ایمان مرتضاسیز عدل و داد اولماز
علی دیر رکن ایمانیم علیسیز اعتقاد اولماز
علینین وصفِ عشقین یازماغا یورقون مداد اولماز
علینین آدی زهراسیز دِئییلسه هاردا،داد اولماز
هوالحق هو علی دِئ دولسادا پیمانه غم چکمه
.
.
#فاطمیه_شهادت
.
خانیم بیر سؤز دِئییب مولاسینه قلبیم دوام ائتمیر
عم اوغلی یاعلی سینه م یانیر درد التیام ائتمیر
زنان یثرب اؤز سِیر و سلوکینده قیام ائتمیر!
گؤرنده کوی و برزنده منی کیمسه سلام ائتمیر
علینین گؤزلری دولدو دئدی دؤز جانه غم چکمه
.
.
داریخما فاطمه جان سایه ی محنت گئچر قالماز
سنین تک گوهر ذیقیمتی گؤزدن گؤزوم سالماز
عم اوغلون هرکیمه دل دن سلام ائیلر جواب اولماز!
حقیقتلن اولا مونس مسیرِ حق ده سوستالماز
توکّل ائیلییک زهرا حقِ سبحانه غم چکمه
.
.
یئنه ده آتش غم دن ئورگیم اود دوتوب یاندی
گلیب زهرا آدی یارب احبّا دیده گریان دی
بو گونده حضرت زهرایه چون شام غریبان دی
نئچه مدتدی قبر فاطمه عشّاقه پنهان دی
اورک ناله ائدیر سسلیر دؤزک هجرانه غم چکمه
.
.
اورک ده نئچّه ایللردیر قالیبدیر نکته لر مکتوم
چکیر حسرت زیارت شوقینه بوکلبه ی مغموم
اولوبدور چارده معصوم هره بیر عصرده مظلوم
آناسی فاطمه قبرین ائدر صاحب زمان معلوم
سپر آب محبت هر دل سوزانه غم چکمه
.
.
اولوبدور گؤر نئجه بو بار محنتدن اورک لر قان
ظهور ائیلر او گون کی حضرت صاحب زمان یاران
او گیزلین قبری عشاقه عیان ائیلر ئوتر هجران
کنار قبر زهراده اوغول برپا قیلار دیوان
یِئتر عرض نیاز ائیلر اورک جانانه غم چکمه
.
.
او دیوان عدالت ده دییر شورا قوران گلسین
فدک غاصب لرین سسلر قاپینی یاندیران گلسین
اساسِ ظلمی کیم قوردی دئیین اوّل همان گلسین
آنام زهرایه ظلمیلن همان سیلی ووران گلسین
اولارکی قان ائدیبلر قان اولونسون قانه غم چکمه
.
.
بِاِذن الله اَمر ائیلر دیریلسین اوّل و ثانی
عدالتلن سؤال ائیلر اولاردان حق مولانی
نه بدعت باعث اولدو یاندیریبسیز بابِ زهرانی؟
عموم مظلوم ئولوب کیمدن آلینسین محسنین قانی؟
ائدر کیفر هامیسین حاکم فرزانه غم چکمه
.
.
بابام پیغمبرِ مختارین اَمرین ناپدید ائتدیز
جوان مرگ ائیله دیز زهرانی آزارین شدید ائتدیز
علی المرتضانین درد و آلامین مزید ائتدیز
ایکی دیلسیز بالانی سیز شقاوتلن شهید ائتدیز
نئجه دِئییم آنامه غنچه ی خندانه غم چکمه!
.
.
ایکی غنچه گولون ظلم اهلی گل عمرین داشا چالدی
بیرینه آستانه مقتل اولدو طاقتین آلدی
بیریندن بوش بِئشیک گؤزلر اِئوینده گؤز داغی قالدی
سقیفه ظلمی عمه م زینبی چؤلدن چؤله سالدی
یانایانه دئییردی یاره لی سلطانه غم چکمه
.
.
گلین باهم امام عصرلن همدم اولاق یکجا
دئییک اللرده اؤلدون آدووه قربان آنازهرا
دیار یثربی غربت بقیع نی ائیلییک مأوا
گؤرک زهرا فراقینده کیمیلن آغلاییر مولا
ابوذر تسلیت سؤیلور دئییر سلمانه غم چکمه؟
.
.
گؤرک زینب دئییور قان اولدو قلبیم جان ننه م لایلای
ئورگی غصه دن غم دن اولان شان شان ننه م لایلای
حسینیلن حسن آغلار دییر هرآن ننه م لایلای
گلیر کلثومی فریاده ائدیر افغان ننه م لایلای
کیم آیا سؤیله سین ایندی شَهِ مردانه غم چکمه
.
.
#دلا_ایتگین_گئدن_یوسف_گلر_کنعانه_غم_چکمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید