وداع شهزاده علی اکبر (ع) با ام لیلی
.
✍️ #زبدةالاشعار ✍️
.
🆔: @nohe_torki
.
مرحوم نادری میانجی
.
.
ذلت ایامی گلوب عزتدن اوز دوندر آنا
گل ئولوم میداننه ئور اوغلوی گوندر آنا
.
.
کعبۀ عشقی گرک حق عاشقی ایتسون طواف
گیمش احرام جامه سین گور زادۀ عبدالمناف
عفو قیل مادر منی سن خدمتوندن ایت معاف
فرض قیل دنیایه اصلا گلمیوب اکبر آنا
.
.
یوز ویروب موج بلا گور نینوا ایّوبنه
فرقت ایامی یتیشدی کربلا یعقوبته
نوبت میدان چاتوبدور یوسف محجوبنه
وقت اولوبدور باغریقان اولسون زلیخالر آنا
.
.
غبطه ایلر کربلایه مکه ده کوه منا
اللری قوینوندا گور دورموش خلیل کربلا
هاردا اسماعیله من تک یوز ویروب موج بلا
من ذبیح بو منایم سنده اول هاجر آنا
.
.
جدّیم احمد دور آنام زهرا بابام شیر خدا
عالم معناده ایلولر منی اونلار صدا
گل بزندیر اوغلووی الله یولوندا ویر فدا
قوی گیده بزم وصاله شبه پیغمبر آنا
.
.
آیرولوق هنگامیدور قوی منله مادر یوزیوزه
هر آنایه چوخ چتیندور درد هجرانه دوزه
گل او لرزان اللریله سورمه چک شهلا گوزه
رسمدور قربان ویرن ایلر اونا زیور آنا
.
.
مخزن کنز وفانین بیر در غلطانیم
باغلانوب طومار عمروم امّتون قربانیم
گل دویونجا گور منی بیر ساعتین مهمانیم
اولمامیش رعنا گلون گلشنده تا پرپر آنا
.
.
صابر اول مادر مصیبت عرصه سینده وو رقدم
قویگلان سرمشق آلا سندن آنا سایر حرم
پیشتاز اول قوی سنه احسن دیسون زهرا ننم
تا سنه فخر ایلسون روز جزا حیدر آنا
.
.
واردی سندن خواهشیم ای مادر والامقام
یثربه گیتسون دلیمجه ایله صغرایه سلام
اکبری یاددان چخاتسون اولدی قارداشیسز مدام
یوللارا چوخ باخماسون ئولدی علی اکبر آنا
.
.
سویله صغرایه منیم هجریمده سینه داغلاسون
وای علی اکبر دیوب هر صبح شامی آغلاسون
طویلارا دعوت اولاندا باشه قاره باغلاسون
قارداشی چوخ ایستیه دنیاده چون خواهر آنا
.
.
دئ باشون ساق اولسون ای صغرا یتوب وقت فراق
اکبرین قانیله رنگین اولدی صحرای عراق
دوغرانوب کام آلمیان اکبر باجی گوزدن ایراق
گوردیگون رعنا قدی پامال ایدوب لشگر آنا
.
.
نادری بیر غنچه گل گلشنده فصل نو بهار
آچمامیش گل تئز سولوب شهزادۀ والاتبار
لیلى آواره قالوب صغرانی ایتدی بیقرار
عمرینی سالسون گرک باشه قرا معجر آنا
.
.
.
#اکبریه_نادری
#اکبریه_شهادت
#ذلت_ایامی_گلوب_عزتدن_اوز_دوندر_آنا
#ترکی
.
✍️ #زبدةالاشعار ✍️
.
🆔: @nohe_torki
نظر دهید