میلاد حضرت زینب (س)
.
.
تیموری اردبیلی
.
.
.
دلا باخ محفل عشقه کلام دل مهیّادی
صمیمیت اولوب حاکم صداقت اوردا پیدای
.
تخیّل عالمی سیرایلدیم درگاه رحمانی
نه گوردوم درگه حقده عجب شوریله غوغادی
.
عجب کانون عشقِ عالمِ برتر اولوب برپا
شمیم جانفزای حضرت خاتم دل آرادی
.
گوزل گُل گُوستروب خلّاق عالم باغ رضوندان
علی مبهوت اولوب زهرا بویوردی گورنه زیبادی
.
خدایا طرح خلقتده عجب زیباسن ای زیبا
بو زیبا گُل تماماً گُلدی گُللردن مصفّادی
.
حسن سولور گَلوبدور بیر ملک خو حجره ی عشقه
آنام زهرا کیمین اوندا جلال حق هویدادی
.
هامی بوگَلمگیندن عالمه خرسندور امّا
ئوزی آغلور بومولودین ندور علّت معمّادی
.
حسین کی آلدی آغوشه تبسّم ایلدی زینب
ایکی عاشقده گوردوم رمز و راز عشقی پیدادی
.
بو اوصاف و سجایا یئر سالارتنها اورکلرده
گوزل بوبزم عرفاندا فقط گفتار طاهادی
.
اوکی اوّل دیله گَلدی بویوردی حضرت خاتم
اورکلرده بومولودین قدومی بهجت افزادی
.
آلوب آغوشینه حقدن ندا گلدی حبیب من
سنه بیر هدیه وئردیم خلقتیمده باشدی اعلادی
.
آدین بو تازه مولودین حبیبیم ایندی قوی زینب
علینون زینتِ آغوشی دور دلبند زهرادی
.
حیا وعصمت زهرا چاتار ارثیه الحق کی
بوقیزدا تاجهان وار عصمت کبرایه معنادی
.
گرک پیرایه اولسون گوگلره تازینبون آدی
بیلینسین عالمه بو زینت عرش معلّادی
.
اگرچه سنده تیموری فنادنیاده شاعرسن
حسین بن علینون عشقی زینب سیز دئ منهادی
علی تیموری
نظر دهید