زبدةالاشعار

دلا دنیا یالان دنیادی هشیار اولمیان بیلمز #کوفه_بیدقداری

پندیات در بیوفایی دنیا
#گریز به مصیبت #کوفه
.
✍️ زبدة الاشعار ✍️
.
🆔: @nohe_torki
.
حاج داود بیدق داری
.
دلا دنیا یالان دنیادی هشیار اولمیان بیلمز
وفاسیزدور بومعنانی وفادار اولمیان بیلمز
.
گرفتار اولما عشقینده که ال وئرسه یخار بیرگون
بونامردانه رفتارین گرفتار اولمیان بیلمز
.
اوجالدار مکریلن آخر سالار ارزشدن انسانی
بئله ترفندی رفتارینده مکار اولمیان بیلمز
.
ئولوم حقدور اویان انسان همیشه حقه پابند اول
ئولوم معناسینی حقه هوادار اولمیان بیلمز
.
علیدن دم ووران انسان گرک مظلومه یار اولسون
علینین طرز رفتارین علی وار اولمیان بیلمز
.
فقط عشق ولایتدور بو دنیایه سالان شوری
بو شورین لذتین گوزدن گهربار اولمیان بیلمز
.
ولایت باده سیندن مست اولان دنیایه دل وئرمز
او ساغرده اولان احوالی میخوار اولمیان بیلمز
.
یانان پروانه نین حالین یانان شمعین شرارینده
شرار عشقیله دلدن شرر بار اولمیان بیلمز
.
چکوب سوز شعلیه پروانیه زینب دوشوب یاده
اونون دردین شرار عشقیده زار اولمیان بیلمز
.
علینین یادگاری زینب فرزانه احوالین
حسین تک تشنه سلطانه عزادار اولمیان بیلمز
.
تیکانلیق یول، گونوز ایستی، گجه گوز یاشینون شرحین
قولی باغلی اوزون یولدا علمدار اولمیان بیلمز
.
نه چکدی آشنالردن گورنده کوفه بازارین
قولوندا ریسمان سیار بازار اولمیان بیلمز
.
یارالی باشی تا گوردی نه حاله قالدی محملده
ائله هنگامه نی مشتاق دیدار اولمیان بیلمز
.
اورک لندی دئدی قارداش سنه زینب باجون قربان
منیم احوالیمی قارداش گرفتار اولمیان بیلمز
.
اسیرم قولّاریم یاره پرستارم بو قیزلاره
سوزین معناسینی محبوس اغیار اولمیان بیلمز
.
اسیر زلفووم قارداش آپار هر یانه میلون وار
بونون شرحین اسیر زلف دلدار اولمیان بیلمز
.
منی ئدولدورمسه قمچی سالار دیل یاره سی دیلدن
شماتت دردینی محملده سیار اولمیان بیلمز
.
جناب زینبین دردی بو شرحیله عیار اولماز
اسارت دردینی معناده عیار اولمیان بیلمز
.
دئنن #داور گوزوم قربان او بانوی فداکاره
اونون شرح مصیباتین فداکار اولمیان بیلمز
.
.
#پندیات
#کوفه_بیدقداری
#دلا_دنیا_یالان_دنیادی_هشیار_اولمیان_بیلمز
#ترکی

✍️ #زبدةالاشعار ✍️

🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...