زبانحال حضرت ام البنین سلام الله علیها
.
✍️ زبدة الاشعار ✍️
.
🆔: @nohe_torki
.
#بهروز_سلیمانی_ثمرین
.
ای گوزلرین اوخ باغلیان اوغلوم ئولورم گل
یوخدی منه دیل داغلیان ؛اوغلوم ئولورم گل
.
.
.
من ام بنینم ولی اوغلانلاریم ئولدی
اولدوم اورگی غصه لی اصلانلاریم ئولدی
خم اولدی بئلیم ؛طلعتی رخشانلاریم ئولدی
گل جان وریرم، گل اورگی قانم ابالفضل
گل باشیمون اوسته سنه قربانم ابالفضل
.
.
.
دردون چوخ آغیردی ؛ائلدی سینه می سوزان
سندنصورا سندیم وطنیمده ؛ننه قربان
قالدم ائله احواله منه آغلادی مروان
هئچ کس منی سندن سورا دای یادینه سالماز
دورد اوغلی ئولن بیر ننه نون عزتی قالماز
.
.
.
یاناّم گجه گوندوز شرر درد و بلاده
من اولمامشام وقت خطر کرب و بلاده
غرقم اودی دریای غم و آه و نواده
یاناّم ؛بیچیلن قامتووه باخمامشام من
زینب کیمی قان ساشلارما یاخمامشام من
.
.
.
آی قهرمان اوغلوم بیچیلن قدووه قربان
ایثار و وفاداری بی حدووه قربان
سو اوسته توکولمیش یره قان ردووه قربان
سن اووخ دئمدون هر نقدر قانه بویاندون
اَوخ مشگه دگنده ولی اصغردن اوتاندون
.
.
.
گل بوردا دگل غملی رباب ؛اوغلوم اوتانما
جانیم چخور ؛آخر نفسیم چاتدی ؛یوبانما
اگلش باشیم اوستونده ؛ایاق اوسته دایانما
من دورام ایاقه ؛باشووا چوخلی دولانام
سن یاره لیسن قانووه جان اوسته بویانام
.
.
.
عشق عالمی هئچ کس منیم احساسیمه چاتماز
مین مجلس غم ،گرمی اجلاسیمه چاتماز
خوبان جهان جمع اولا عباسیمه چاتماز
دوغدوم بیر اوغول سن کیمی حامی اولا دینه
مین سن کیمی اوغلوم اولا قرباندی حسینه
.
.
.
زهرایه حمایت ائلدون باشیم اوجالدی
دشمنلری قدرتلی قولون لرزییه سالدی
دوشدی قولون افسوس؛ حسین فوری قوجالدی
منده اشیدنده بو سوزی پیکریم اسدی
بیلدیم یخلیبسان یره ، سن دیزلریم اسدی
.
.
.
وای ام بنینه قانا غلطان یخلیبسان
پرچم قاریشق سینه سی شانشان یخیلبسان
قولسوز یوزی اوسته یره آتدان یخیلبسان
آتدان یخلب نالیه دنیانی گتیردون
بالینووه سن غمزده زهرانی گتیردون
.
.
.
سنده گل اوغول یانیمه بو مطلبه خاطیر
قلبیمده اولان محنت و سوز و تبه خاطیر
قویما تک ئولم من ؛گل اوغول زینبه خاطیر
یوخدی خبرون قلبیمه غملر توکولوبدی
زینب کیمی قدیم سن ئولندن بوکولوبدی
.
.
.
ای باشدان ایاقه علینون بنزری اوغلوم
هر یرده سالان خاطیریه حیدری اوغلوم
جان اوسته آدوندی دیلیمون ازبری اوغلوم
دیلدن چکور آه غمی ، بو غصه لی مادر
قربانون اولوم گل یوزومی قبلیه دوندر
.
.
.
بو شهر مدینه دئمورم عزتی یوخدی
بعضیلرون اما دیلی بو شهریده اوخدی
طاهائیله حیدر آتوون دشمنی چوخدی
گل قویما ابالفضل قالا جانیم قوشی داردا
قویما ورالار طعنه کی اوغلانلاری هاردا؟
.
.
.
حاشا من اولام شانیده همپایه زهرا
حق، کاش منیده ایلیه همسایه زهرا
فخریمدی دوشه قبریمه گر سایه زهرا
گر خاک بقیع اولسا منیم قبر و مکانیم
زهرایه گورا شاید اولا فاتحه خوانیم
.
.
.
ای ساق گوزون اوخ پارچالیان؛ سنده گوزوم وار
قلبیم ائله چرپنمادادی؛ دیلده کوزوم وار
آغزمدا دولانمور دیلیم ؛هر چند سوزوم وار
آخر سوزومی من دیورم ای منه تسکین
ئولدوم دای اوغول باشلادی اوغلون منه یاسین
.
.
#سبک_ای_باد_صبا … 7 سبک
.
.
#حضرت_ام_البنین
#ای_گوزلرین_اوخ_باغلیان_اوغلوم_ئولورم_گل
#ترکی
.
✍️ #زبدةالاشعار ✍️
.
🆔: @nohe_torki
نظر دهید