دلدن گیدوب قراریم دلداریم ئولدی الله #فاطمیه_هدایت_تبریزی

شهادت حضرت زهرا (س)
.
#زبدةالاشعار
.
: @nohe_torki
.
هدایت تبریزی
.
دلدن گیدوب قراریم دلداریم ئولدی الله
غم قلبیمه چوکوبدو غمخواریم ئولدی الله
.
.
کوه وقارم اما بو غم سالیب ایاقدان
محزون و دلفکارم گوز دویمور آغلاماقدان
آرخام یامان زماندا خالی قالیب دایاقدان
سندی قولوم قانادیم همکاریم ئولدی الله
.
.
شمعین مثالی یاندی ذوب ئولدی نار غمدن
اولدی سپر بلایه کم قویمادی هممدن
گوردی خطر وجودی سولدی گولوم ستمدن
پهلو شکسته ، دیده خونباریم ئولدی الله
.
.
بیت الحزن دی شاهد چشمان اشک ریزه
یاریم بو نوعی چخدی اشراریله ستیزه
لحن کلامی آلدی سبقت حسام تیزه
غصابی ایتدی رسوا بیداریم ئولدی الله
.
.
تنگه دوشنده یاریم تنگ ئولدی روزگاریم
دوشدو گولوم فشاره آرتدی منیم شراریم
قالدی او پشت درده گیتدی منیم قراریم
دلدن دوشوب سارالدی بیماریم ئولدی الله
.
.
بحر بلاده موج درد و بلا داشاردی
گچدی قولوم طنابه اعدا منی آپاردی
سینه یارالی یاریم گلدی منی قوتاردی
هم رزم و هم نبرد پیکاریم ئولدی الله
.
.
بازو شکسته یاریم پهلو شکسته گیتدی
یورموشدو درد و محنت خستیدی ، خسته گیتدی
اللرده ئولدی زهرا قبره ال اوسته گیتدی
باغ سولدو باغبان گلزاریم ئولدی الله
.
.
#فاطمیه_هدایت_تبریزی
#فاطمیه_شهادت
#دلدن_گیدوب_قراریم_دلداریم_ئولدی_الله
#ترکی
.
#زبدةالاشعار
.
: @nohe_torki