مجمع عاشقان…
.
.
عباس داداش زاده ( فانی تبریزی )
.
عزّت و شأن و شرف، شوق ولا هیئت ده دور
الفت و مهر و وفا، صدق و صفا هیئت ده دور
.
کیمیا دور اهل بیتین عشقی ای سالک، اگر
آختاریرسان جان و دلدن کیمیا هیئت ده دور
.
مکتب توحید آچیب خَلقه حسین بن علی
درس عشق شاهدان کربلا هیئت ده دور
.
قرآنین تفسیرینه، احکام شرعین شرحینه
آشنالیق ایسته سن ای باوفا هیئت ده دور
.
یول کتاب الله و عترت دور صراط المستقیم
بو یولا صدقیله گلسن رهنما هیئت ده دور
.
دردمند اولسان اگر درمانِ دردین اولماسا
غم یئمه عالمده هر درده دوا هیئت ده دور
.
اشک شوقون جوشه گلسه آبروی حشر اولار
آغلاماق سوز دِلیله بی ریا هیئت ده دور
.
حاجتین واردور اگر، گل هیئته اخلاصیله
مستجاب اولسا اگر اوردا دعا هیئت ده دور
.
گر بصیرت اولسا بالله عارف عاشق گؤرر
بو جهاندا اصفیاء و اولیا هیئت ده دور
.
آچ گؤزون باخ جان و دلدن گؤرنه عالم دور یقین
مهدی صاحب زمان، میرهدا هیئت ده دور
.
گر ظهور ائتسه عزیزیم، فاطمه دُر دانه سی
اوندا گؤرروخ ساکنان ماسوا هیئت ده دور
.
طالب اولسان گر فنا فی اللّهه #فانی بی گمان
بو زماندا حقّیده اولماق فنا هیئت ده دور
.
#ورود_محرم
#حسینیه_مدح
#مهدیه
#عزت_و_شأن_و_شرف_شوق_ولا_هیئت_ده_دور
#فانی_تبریزی
#ترکی
.
نظر دهید