دلده حسرتیم قالدى عمه جان قسمت اولمادی چون وطن منه #حضرت_رقیه_صحاف_تبریزی

خطاب حضرت رقیه به جناب علیا مکرمه
.
#زبدةالاشعار
.
: @nohe_torki
.
#سبک_ساخلا_ناقه_می_کاروانیدن … 8 سبک
.
مرحوم صحاف تبریزی
.
دلده حسرتیم قالدى عمه جان
قسمت اولمادی چون وطن منه
بو خرابه ده ئولسم آج سوسوز
قاره معجرون قیل کفن منه
.
.
من او بلبلم گلشنیم سولوب
جور و ظلملن پایمال اولوب
عزتیم گیدوب قرداشیم ئولوب
یوخدی بر تسلی ویرن منه
.
.
یانام آغلارام ایلرم فغان
یوخدی بیر نفر حالیمه یانان
الأمان شماتتدن الأمان
بیر یارا ورار هر یتن منه
.
.
دمبدم اولور جاری گوز یاشیم
حالیمه یانار یار و یولداشیم
شمر دون وروب آغروری باشیم
چوخ ویرور اذیت رسن منه
.
.
بوینیمی کسوب رشته طناب
سوز دل ایدوب باغریمی کباب
بو مصیبته یوخدی منده تاب
دور علاج ایله عمه سن منه
.
.
خواهیم بودورسندن عمه جان
قولاریمی آچ تاپشوراندا جان
آل دیز اوستونه باشیمی بر آن
لطف قیل بوجه الحسن منه
.
.
نیلیوم قوری یردی منزلیم
دردیمی دیم دونموری دلیم
سن بلورسن آرتوخدی نسگلیم
یوخدی سن کیمی لطف ایدن منه
.
.
بیر اولوبدی شامیله گوندوزوم
بو غمیله من بس نجه دوزوم
بو خرابه ده گُلمدى یوزوم
عالم اولدی بیت الحزن منه
.
.
هم یتیمه لوق دردی منده وار
هم اسارت قوم دن فشار
ایتموب اکتفا چرخ کچمدار
توش ایدوبدی هر بیر محن منه
.
.
چوخ منه بو نسگل گلور گران
من بو یرده ئولم بلا گمان
بو خیالیله باغریم اولدی قان
نامساعد اولدی زمن منه
.
.
نه روادی هر لحظه زار اولام
هر جفاء ظلمه دچار اولام
عاقبت غریبه مزار اولام
بو خرابه اولسون وطن منه
.
.
ایسته سن اگر اجر اولا سنه
توک سرشک (صحاف) دامنه
بو سوزون دئ گل شور و شیونه
لطف ایت ای شه ممتحمن منه
.
.
#حضرت_رقیه_صحاف_تبریزی
#حضرت_رقیه_شهادت
#دلده_حسرتیم_قالدى_عمه_جان
#ترکی
.
#زبدةالاشعار
.
: @nohe_torki