زبانحال حضرت اباعبدالله به برادرش امام حسن
.
✍️ #زبدةالاشعار✍️
.
🆔: @nohe_torki
.
حاج حسین حسنی تبریزی
.
دل ترابه قویاندا حسین حسن یوزونی
بهار ابر کیمی دولدوروب ایکی گوزونی
.
مکان او صورت مه طلعته تراب اولدی
حسیندن یارالی قارداشا خطاب اولدی
.
.
سندنصورا مونس منه فریاد و نوادور
مدفن سنه یثرب منه ده کرب و بلادور
.
.
یات بوردا آنام فاطمۀ زاریله باهم
منده یاتارام اوردا علمداریله باهم
.
.
اوز محرمون اولدی سنه دشمن اوز ایونده
جانانوه جان بذل ایلدون سن اوز ایونده
تکفینوه اقدام ایلدیم من اوز ایونده
اما منه صحرای بلاده کفن اولماز
جسمیم قوری یرلرده قالار دفن ایدن اولماز
.
.
دل یاره دی آخرده کی نسگلّی سوزوندن
ایندی نجه آیا گوتوروم گوز بو گوزوندن
نیلوم ندی چارم که یوزوم دونمور اوزوندن
قاسم طرفیندن نگران اولما برادر
بیر گوزده دی دنیاده منه قاسم واکبر
.
.
سن قبریده یات خاطریوی شاد ایدرم من
فرمایشوی هاردا اولام یاد ایدرم من
سندنصورا بو قاسمی داماد ایدرم من
دعوت ایدورم طوی گونونه گلمه نوایه
گر ممکنون اولسا گله سن کرب و بلایه
.
.
سندنصورا قویمازلا قالام اوز وطنیمده
بلبل کیمی شوره گلم آخر چمنیمده
اولماز منی دفن ایلین اولماز کفنیمده
قوشلار منه شهپرلرین آخر کفن ایلر
قارداشون حسین کرب و بلانی وطن ایلر
.
.
واردور یری احوالیمه قان آغلیا داغ داش
دنیا بوئیجا گلسه گوزومدن یوزه قانیاش
قویدوم اوز الیمله یوزوی تورپاقا قارداش
یاتدون اؤزون آسوده بیله مدفن ایچینده
قویدون نیه تک قارداشوی دشمن ایچینده
.
.
عمرون گونی زهریله یتوب گر چه کسوفه
اما بدنون اولمادى آماج سیوفه
سنسیز منی یالقوزلیه جاق لشگر کوفه
دیلدن سالاجاقلار منی باش یاره سی ایله
شمشیرپله پیکانیله داش یاره سی ایله
.
.
دوزدور که سنون خیمه وی تاراج ایلیوبلر
تیر غمه هم سینوی آماج ایلیوبلر
جبریله وطندن سنی اخراج ایلیوبلر
قان لخته سینی باشیمه چون تاج ایدرم من
باش نیزده جدّیم کیمی معراج ایدرم من
.
.
اولدی اوز ایونده آتام اوغلی بیله حادث
قارداش نجه سو اولدی سنون قتلوه باعث
سو اوسته ولی قول قویاجاق نهرده حارث
عرشه اوجالار ناله اوشاقلار عطشیندن
سو اوسته آنائیله بالا کشمکشیندن
.
.
سوز یوخ که سنی ظلمله مظلوم ایلیوبلر
آخرده بو منظوریله مسموم ایلیوبلر
مؤمنلری خوار ایتماقا محکوم ایلیوبلر
قارداش منه ده خارجی آدی قویار اعدا
بو آدیله تا که ویرولر قتلیمه فتوا
.
.
سن صلح ایلدون زنده قالا دینله قرآن
بو صلحی دوشونمزدی ولی فرقۀ نادان
اما منه لازمدی اولام دینمه قربان
اشراره ایشق گوندوزی شام ایتمسم اولماز
دین اوسته شهامتله قیام ایتمسم اولماز
.
.
تیره هدف ایتدی سنی گر قوم ظلالت
گل جسموه نچه اوخ ایدوب یولدا اصابت
واردر منه ده کرب و بلاده بیله ساعت
اشرار جهان تیغله یوخلالار حسینی
یالقوزلیوب آخرده ده اوخلالار حسینی
.
.
تاپماز «حسنی» گرچه بوشه غملری پایان
یازماق ولی لازیمدی گرک اولمیا پنهان
ایسته سنى تا ایستیه اوز قبرینه مهمان
گور تا که بقیعده یاتوب اول شاه جگر خون
گیزلین آنانون قبری اوغول مدفنی پوزقون
.
.
#حسنیه_حسنی_تبریزی
#حسنیه_شهادت
#دل_ترابه_قویاندا_حسین_حسن_یوزونی
#سندنصورا_مونس_منه_فریاد_و_نوادور
#ترکی
.
✍️ #زبدةالاشعار✍️
.
🆔: @nohe_torki
نظر دهید