خطاب به حضرت خاتم الانبیا (ص) در ایام سوگواری آخر #ماه_صفر
.
✍️ زبدة الاشعار ✍️
.
🆔: @nohe_torki
.
مرحوم واقف سرابی و مرحوم بیخود سرابی
.
دوتوبدور ماتمون کون و مکانی یا رسول الله
ایدوب ماتم نشین خیرالنّسانی یا رسول الله
.
.
گیدنده امّته اهل و عیالون تاپشوروردون سن
علینین باغلیوبدور قولّارین سندن صورا دشمن
ئولوبدور محسنی سئندی قولی زهرا ایدوب شیون
قاپوسین یاندوروب فرعون ثانی یا رسول الله
.
.
نجه شیر خدایه تاپدی ال دشمن کم فرصت
ثانی تیغ جفا الده دیوب قیل یا علی بیعت
چکوبلر مسجده سندن صورا بو بیوفا امت
جفائیله علی المرتضانی یا رسول الله
.
.
شهادت ارث اولوب آل خلیل اوّل گیچوب سردن
بیری مسموم زهریله بیری مقتول خنجردن
حسنده سودۀ الماسی نوش ایتدی او ساغردن
ایدوب مسموم جعده مجتبانی یا رسول الله
.
.
بو گون زهرین شراری مجتبانین سینه سین داغلار
یوزی قارداش یوزینده کربلانی یاد ایدوب آغلار
دیدی قارداش بو اللر حیفدور قارداش گوزین باغلار
اولار بیر گون کسر اؤز ساربانی یا رسول الله
.
.
دیردی زینبیم گلسون قرا اوستن قرا سالسون
آنام زهرا کیمی گلسون باشیم آغوشینه آلسون
باشیندان آچماموش قارداش قراسین بیر قرا سالسون
گورونجه خولی و شمر و سنانی یا رسول الله
.
.
اگر مشغول اولوبسان ماتم شاه شهیدانه
گذر قیل کربلادن لطف ایله گل بیر خراسانه
باتوب زهر جفادن برگ گل تک لبلری قانه
غریب ئولدوردولر اوغلون رضانی یا رسول الله
.
.
خداوندا بو زینب تک کیمین دنیاسی سخت اولدی
گلن گوندن بو دنیایه همیشه تیره بخت اولدی
چیخوب ویرانه مسجددن مقامی پای تخت اولدی
گوروب قارداش لبینده خیزرانی یا رسول الله
.
.
گوروبدور یدّی قارداش داغینی ئولمز ندن زینب
سالوب شبه پیمبر قدّینه آخر کفن زینب
گورنده اکبری صد پاره چخدی خیمه دن زینب
فضای محشر ایتدی کربلانی یا رسول الله
.
.
حسین الله یولوندا شوقیله پیر و جوان ویردی
بویوردی اصغریم چوخ تشنه دور قومه نشان ویردی
ویروبلر سو یرینه اوخ الی اوستنده جان ویردی
او شاهین اصغر شیرین زبانی یا رسول الله
.
.
اولوبدور گلشن ماتمده #واقف اشکبارآغلار
چمن اطرافینی سیراب ایدر ابر بهار آغلار
سولان بیر غنچه گل عشقینده #بیخود زار زار آغلار
اولوب ذکری حسن ورد زبانی یا رسول الله
.
.
#سبک_علی_اصغر_مه_انور ( 8 سبک سینه و زنجیر)
.
.
.
#پیامبراسلام_شهادت
#حسنیه_شهادت
#رضویه_شهادت
#دوتوبدور_ماتمون_کون_و_مکانی_یا_رسول_الله
#واقف_سرابی
#بیخود_سرابی
#ترکی
.
✍️ #زبدةالاشعار✍️
.
🆔: @nohe_torki
نظر دهید