احتجاج حضرت سیدالشهدا(ع)
.
زبدة الاشعار
?: @nohe_torki
.
مرحوم میرزا محسن عمادالفقرا(حالی اردبیلی)
.
دوتون ای قوم که من زاده ی زهرا دگولم
هم آتام حیدر اوزوم سیزلره مولا دگولم
.
نچه مین نامه یازوب ایستدوز ای طایفه ضیف
منی گر نادم اولوبسوز چکون ال بی کم و کیف
گرچه کافرده اولا، چکمز عرب ضیفینه سیف
خاصه منده عربم کافر و ترسا دگولم
.
دوغرادوز تیغیله سیز اکبریمون گل بدنین
بویادوز قانیله یوسفلریمون پرهنین
خاک و خون ایلدوز آخر شهدانون کفنین
دیه سن کافر اولوب دینیده، اصلا دگولم
.
مست ائدوب سیزلری جاه و شرف و دولت ری
منی سرمست ائلیوب جام می داور حیّ
بو جهتدن چکوب ال ایلدوم اطواریمی طیّ
طالبم درگهینه شایق دنیا دگولم
.
سیزلره لیک گرک ایلیم اتمام دلیل
قورخورام اهل و عیالیم قالا بو یرده ذلیل
یول وئرون روم و یاز نگه گئده آل خلیل
سیز اولون ملک عرب طالب بطحا دگولم
.
گر منی ئولدوره سوز ظلمه آخر بیلورم
زنگ اسیری تک اولور یکسره سکّان خیم
باش آچوق ناقه ی عریانله آشفته ی غم
یوخسا الحاح ائلین سیزلره بیجا دگولم
.
ایچمیشم گرچه محبت می نی مست و خوشم
قویموشام لجّه ی موّاج محبتده قدم
اولمیون سیز ولی ترسا که من ایندی نه منم
شایق دار فنایم کم از عیسا دگولم
.
من ازل ساقی اولوب جام سقاهیمله بلی
ائلدیم پیر و جوانی هامی مست و ازلی
چونکه بو دستله همراهیدور اللهون الی
موسی عشقم ازل بی ید بیضا دگولم
.
جان متاعی ندی کیم اولمیا جانانه فدا
چون محقّر دی بوگون ایلدیم ارزان بها
ایستیوب چونکه خدا جانیله سودای لقا
ائتمین شوقیله جانانیله سودا دگولم
.
گردیم، مُوتُو ، اولورسوز هامی ای قوم تلف
یا امامتله ائدم جنگ اولوسوز مرگه هدف
ائتمیه گر بیلوسوز منع بو عشق ایچره شرف
ائلین تیره و یا تیغه محابا دگولم
.
آه او ساعتدن ائدوب زینب آشفته گذار
قتلگهدن که چکوب یاره نی اؤز یانینه یار
گئچرم سویلدی تا ایلمیم ناله و زار
من مگر شیفته ی بو قد رعنا دگولم
.
گوردی ناگه که گولون آختاروری بلبل زار
چاغیروب حزنیله گل کیم بودی اول لاله عذار
دل و جانیمدن آلوب چونکه جراحات قرار
یانمیان شمع کیمی غمده سراپا دگولم
.
« مادح » مستیوم ای قبله ی عشّاق حزین
درگه پاکوه محسوب ائلسون کلب کیمین
لطف ائدوب دوت الیمی حشر گونی ای شه دین
چوخ گُنهکارم اگر شاعر اعما دگولم
.
#حسینیه_شهادت
#دوتون_ای_قوم_که_من_زاده_زهرا_دگولم
#حالی_اردبیلی
#ترکی
.
#زبدةالاشعار
?: @nohe_torki
: @nohe_torki . مرحوم یحیوی اردبیلی . //امام_حسین// فرمایش ائتدی زینبه سلطان دشت کربلا صبر ایله یازینب چوخدور غمون مندن صورا هر چند اشدّ اولسا بلا صبر ایله یازینب بیشتر
نظر دهید