زبدةالاشعار

شیعه ی مولا گیوبدی قاره علی باتوب قانه #حیدریه_ملکی_زنجانی

شهادت حضرت علی (ع)
.
✍️ #زبدةالاشعار ✍️
.
🆔: @nohe_torki
.
#سبک_سریال_امام_علی
.
حاج مهدی ملکی زنجانی
.
شیعه ی مولا گیوبدی قاره علی باتوب قانه
باشینه دالدان وروبلا یاره علی باتوب قانه
علی علی جان علی علی جان علی علی جانم
.
.
مسجد ومحراب بویاندی قانه علی یارالاندی
باشینی دشمن ایدوب نشانه علی یارالاندی
زینب نالان گلوب فغانه علی یارالاندی
اولمادی الله بودرده چاره علی باتوب قانه
علی علی جان علی علی جان علی علی جانم
.
.
ملجمین اوغلی وروبدی یاره باشندان ای شیعه
آخوبدی قانی عذارینه گوز قاشیندان ای شیعه
مضایقه ایتمه سنده اول گوز یاشیندان ای شیعه
گیوبدی عالم غمینده قاره علی باتوب قانه
علی علی جان علی علی جان علی علی جانم
.
.
دگوبدی یاره نماز قیلاندا ولی سبحانه
یخلدی حیدر مسجدو منبر باتوبدی القانه
گویده ملک لر گیوبدی قاره گلدیلر افغانه
ماه صیامدا وقت اذاندا علی باتوب قانه
علی علی جان علی علی جان علی علی جانم
.
.
ایله نظاره او شهریاره علی باتوب قانه
باشینی شمشیر ایدوبدی یاره علی باتوب قانه
اوزون قیل الله بودرده چاره علی باتوب قانه
اهلی وعیالی ایدور نظاره علی باتوب قانه
علی علی جان علی علی جان علی علی جانم
.
.
سمایه لرزه دوشوبدی گلدی جبریل افغانه
اولوبدی شیعه غرق عزایه علی باتوب قانه
نماز صبحی علینون الله دونوبدی القانه
باشینه دشمن وروبدی یاره علی باتوب قانه
علی علی جان علی علی جان علی علی جانم
.
.
بستر مرگه یخلدی مولا علی قلجلاندی
غمینده آغلار بهشتده طاها علی قلجلاندی
دییر علی وای بوغمده زهرا علی قلجلاندی
دگوبدی یاره او شهریاره علی باتوب قانه
علی علی جان علی علی جان علی علی جانم
.
.
دشمن دینون تیغی یخوبدی امام معصومی
رنگی سارالدی گوزی قارالدی اوکوفه مظلومی
زاده ملجم ایدوبدی مدغم شیعه ی مهمومی
ایشقلی گوندوز دونوبدی تاره علی باتوب قانه
علی علی جان علی علی جان علی علی جانم
.
.
حیف اولاالدن گیدوبدی شیعه امام مظلومان
شاه عدالت اولوبدی الله قلبیلر اولدی قان
اولوبدی منشق باشی الهی آخیر قانی باشدان
اف اولا یارب اوروزگاره علی باتوب قانه
علی علی جان علی علی جان علی علی جانم
.
.
گیوبدی قاره بوتون ملک لر علی یارالاندی
لخته قان اولدی غملی اورک لر علی یارالاندی
قالدی دایاقسیز داخی کورک لر علی یارالاندی
ظلمودن اولدی بوبیر اشاره علی باتوب قانه
علی علی جان علی علی جان علی علی جانم
.
.
علی علی جان مظهر ایمان سنه جانیم قربان
مهدی قاپوندا الی باشیندا شهنشه خوبان
قوما قاپوندان ایلمه نالان پناه مظلومان
گوزلری دوندی ابر بهاره علی باتوب قانه
علی علی جان علی علی جان علی علی جانم
.
.
#حیدریه_ملکی_زنجانی
#حیدریه_شهادت
#شیعه_مولا_گیوبدی_قاره_علی_باتوب_قانه
#ترکی
.
✍️ #زبدةالاشعار ✍️
.
🆔: @nohe_torki
.

متن پیشنهادی:  گینوب سفر لباسی گیدوسن عراقه قارداش #خروج_مدینه_فاکر_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی