اربعین
.
✍️ زبدة الاشعار ✍️
.
?: @nohe_torki
.
محمد علی مصیبی تبریزی
.
سبک : یخلدی سقا یره
.
.
دور ایاقه باغریقان زینبون گلوب حسین
عزتی تالان اولان زینبون گلوب حسین
قلب اعدانی سیخان زینبون گلوب حسین
کاخ بیدادی ییخان زینبون گلوب حسین
.
گلمیشم- باشلیام – اربعین عزاسینی
تربتیندن آلام دردیمین دواسینی
.
.
.
قمچی لردن جانینی قورتاران باجون گلوب
محمل اوسته کوفه ده باش یاران باجون گلوب
قتلگهده قانی قانه قاتان باجون گلوب
خنجر شمره حسین ال آتان باجون گلوب
.
گلمیشم من گورم قبریوین نماسینی
تربتیندن آلام دردیمین دواسینی
.
.
.
دریای خون گوزلریم غملی سینه گلمیشم
نه کربلا کی بهشت برینه گلمیشم
قاره معجر باشدا دشت غمینه گلمیشم
دور ایاقه یاحسین اربعینه گلمیشم
.
گلمیشم باغلیام سینه وین یاراسینی
تربتیندن آلام دردیمین دواسینی
.
.
.
من گئدنده دیده لر لخته لخته قانیدی
بیر چوخور یردن قانین چوللره روانیدی
جولان وئرن باشیوه شمریلن سَنانیدی
نوک جداده باشون نیّر جهانیدی
.
گور تانورسان گلن غملر آشناسینی
تربتیندن آلان دردینین دواسینی
.
.
#اربعین
#دور_ایاقه_باغریقان_زینبون_گلوب_حسین
#مصیبی_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید