«زبانحال امام حسن(ع)با عُلیامخدره»
.
زبدة الاشعار
.
?: @nohe_torki
.
محمد علی مصیبی تبریزی
.
دور ایاقه زینبیم
باغریم اولدی قان باجی
زهر کینه ایلیوب
قلبیمی نشان باجی
.
دوغرانوب جگر یانور
دیل دوداقیم اودلانور
ای ولایتین تاجی
تشتی حاضر ائت باجی
.
سسله قارداشیم گله
دادیمه چاتا حسین
سوز آهیمی بیلر
آفتاب عالمین
قلبیمه صفا وئرر
گلسه قارداشیم بوحین
.
قلبیمی کباب ائدوب
جَعده نین خیانتی
آرتروب سنه باجی
درد و رنج و محنتی
قاسمیم گورنمه دی
بس آتا محبتی
.
سویلرم پیمبره
باشیمین بلاسینی
گور نه حاله سالدیلار
حیدرین بالاسینی
فاطمه عزیزینی
زینبین اخاسینی
.
حیدره سوزوم بودور
اوغلووی یخوبدیلار
زهر ظلمیلن بابا
قلبیمی سیخوبدیلار
سینه ولایته
بی وضو چخوبدیلار
.
قاسمه سفارش ائت
عشقین امتحانی وار
قارداشیم حسینه بیر
کربلا مکانی وار
ثابت ایله سین اوگون
مجتبی نشانی وار
.
ای «مصیبی» بو دم
نی کیمی نوایه گل
نیت ایله صدقیلن
باب مجتبایه گل
سبط اکبرین سوزون
یاده سال هرایه گل
.
#سبک_مسلمون_شهادتی ( 5 سبک سینه و زنجیر و شاه حسین گویان … )
پخش‌کننده صوت.
#حسنیه_شهادت #حسنیه
#دور_ایاقه_زینبیم_باغریم_اولدی_قان_باجی
#مصیبی_تبریزی
#ترکی
.
#زبدةالاشعار
?: @nohe_torki
: @nohe_torki . مرحوم محمد خليفه عاجز گرمه رودی(عاجز سرابی) . کونول هر دشت آرا بیر لاله زارا تا گذار ایلر سرشک لاله گونیله بیر اوزگه لاله زار ایلر . خیال ایلردیلر کیم کربلادیر بوبیشتر
نظر دهید