جان وئروب موسی بن جعفر شیعه لر قان آغلوری #کاظمیه_شاجری_زنجانی

حضرت امام کاظم (ع)
.
✍️ #زبدةالاشعار ✍️
.
🆔: @nohe_torki
.
حاج رحمان شاجری
.
#سبک_زینبم_جان_اوستیم (4 سبک سینه و زنجیر تک ضرب ) … کربلا ئوز ائتدیگیم… اذن وئر یا رب گله مهدی امید هل اتی …
.
جان وئروب موسی بن جعفر شیعه لر قان آغلوری
باش آچوب جنتده زهرا شیعه لر قان آغلوری
.
.
محبس بغدادیده ازبس امامه ظلم اولوب
گل جمالی نچّه مدت گورمیوبدی گون سولوب
ابن شاهَک ظلم ائدوب پیمانه ی صبری دولوب
درد الیندن جانه گلمیش کنز ایمان آغلوری
.
.
زهریلی خرما که گوندرمیشدی سِند بیحیا
تا تناول ائتماقا مظلوم و بی یاور آقا
تئز گلوب گورسون ئوزی میل ایلوری اول مقتدا
گوردی خرما صرف ائدوب مولا پریشان آغلوری
.
.
نچّه گون گئچدی که سِندی بیله فکرت ایلیوب
قیلدیقی ظلمینده گویا هول و وحشت ایلیوب
سَعییلن یکسر قُضات شهری دعوت ایلیوب
بیلمدی حال امامه عرش رحمان آغلوری
.
.
باشلادی بو دیللریله اونلارا قیلدی بیان
حال موسادن اولوب مردم غمین و ناگران
واردی قصدیم سیزلره اولسون اونون حالی عیان
تا بُلونسون خلقه یوخ جسمینده نقصان آغلوری
.
.
ائتدی فرمایش اودم موسی بن جعفر دلفکار
ای جماعت حالیمه آگاه اولون اوچ گوندی وار
زهریله مسموم ائدوبلر قلبیم اولدی زخمدار
بو غریبین حالینه موسی بن عمران آغلوری
.
.
زهر ائدوب تأثیر او ساعت لرزه دوشدی جانینه
یوخدی گلسون بیر کسی غربت وطنده یانینه
آه او ساعتدن وئروب زنداندا جان جانینه
هی دیردی هاردا قالدی اوغلوم الان آغلوری
.
.
بیر گلیدی باشیم اوسته نازنین اوغلوم رضا
گلسه معصومه تاپار بو لحظه ده روحیم صفا
جان کَنِش وقتی باخار اطرافینه هر بیر آتا
جان وئرر راحت یانیندا گورسه طفلان آغلوری
.
.
.
#کاظمیه_شهادت
#جان_وئروب_موسی_بن_جعفر_شیعه_لر_قان_آغلوری
#شاجری_زنجانی
#ترکی
.
✍️ #زبدةالاشعار ✍️
.
🆔: @nohe_torki