دور ای اولان آدی سقای کربلا قارداش #عباسیه_غمناک_تبریزی

زبانحال حضرت امام حسین (ع) در بالین حضرت ابوالفضل العباس (ع)
.
زبدة الاشعار

?: @nohe_torki
.
مرحوم غمناک تبریزی
.
دور ای اولان آدی سقای کربلا قارداش
اولان صلابت و صولتده مرتضی ارداش
.
سنی اوزاقدا گوروب اَل تاپوب منه دشمن
کمک سیزم قریلوب قوم و اَقرَبا قارداش
.
پوزولدی لشکریم اُردو سنوب داغلدی قوشون
نه شاه قالدی نه سردار و نه لوا قارداش
.
سالوب گوزومی ایشقدان جوان اوغول اولومی
قوجالموشام دورالیمدن دوشوب عصا قارداش
.
آزالدی چارم امیدیم کسیلدی یوخ کمگیم
گهی علی دیرم گاه وا اخا قارداش
.
ایاقا دور دوت الیمدن علی الون دوتسون
الیم بیلمده قالوبدور دگول روا قارداش
.
هانی او اَل او قلج اول صلابت و صولت
ایدردی لرزه گورن وقته اشقیا قارداش
.
یقین دوشوبدی قولون دوشموسن صلابتدن
وجودیوی یوروب سر به سر یارا قارداش
.
گورنده قولاریوی اللریم دوشر یانیما
گوزومه نار اولور دشت نینوا قارداش
.
بوگونده یاخشی مُواسات ایلدون حقّا
سنون ایچوندی یقین احسن الجزا قارداش
.
نه قدر سن وارودون اهلبیت راحتیدی
غم ایلمزدی عزیزان مصطفا قارداش
.
ولیک ایندی دوشوب اضطراب و تشویشه
دولوب فغانیله سن سیز حرم سرا قارداش
.
سالوبلا کشتی آل رسولی گردابه
کناره چکمگه یوخ بیرجه ناخدا قارداش
.
آلوبلا دورمی نمرودیان کوفه و شام
ویرالاّ جانیمه گور آتش جفا قارداش
.
دوشوب هراسه حرملرآچوب باشین باجیلار
دوتوبدی خیمه لری وا مصیبتا قارداش
.
سکینه باشه ویرار زینبیم قیامت ایدر
تیکوبدی گوز یولا کلثوم بینوا قارداش
.
قالوبدی تشنه لب اطفال بی پناه تمام
ایشیق گونوز اولارا بول اولوب قرا قارداش
.
ایاقه دور آپاریم خیمییه یولون گوزلر
سکینه منتظرین دور ایدر نوا قارداش
.
او وقتیده ایدوب اولسرور عرض یا مولا
گلن قدملریوه من اولوم فدا قارداش
.
سنی قسم ویرورم جدیمون رسالتینه
او سروره که اولوب خلقه رهنما قارداش
.
آپارما خیمه لره من نقدری اُولمَه موشم
سکینه دن خجیلم ایندی بر ملا قارداش
.
گیدوب سویوم الی بوش گتمگه یوزوم یوخدور
خجالتم دگیلم گتمگه رضا قارداش
.
داخی اُولَم منه خوشدور خلاص اولام غمدن
اُولُوم بوغمدن اولام بلکه من رها قارداش
.
ولیک ساخلا ایاق جانیمی ایدیم تسلیم
گوروم وارام سنه قربانلوقا سزا قارداش
.
بو نوع اولمگی «غمناک» جانیم ایستردی
هزار شکر اَلَه گلدی مدّعا قارداش

.
#عباسیه_شهادت
#دور_ای_اولان_آدی_سقای_کربلا_قارداش
#غمناک_تبریزی
#ترکی
.
#زبدةالاشعار

?: @nohe_torki