زبانحال امام (ع) در بالین برادرش
.
.
#سبک_علی_اصغر_مه_انور … #سبک_خبردار_ای_عزاداران … #سبک_ئوزوم_گوردوم_قاپوم_یاندی … #سبک_منیم_ای_تشنه_قربانیم …
.
.
غفاری زنجانی
.
.
یخلدون سن بلیم سندی
آزالدی چارم آی قارداش
گوزوم یاشی دونوب سیله
اولوب وردیم بو وای قارداش
.
.
یتر منظومۀ شمسه خطر چخما مداریندن
جهانی ایتمه بی بهره جمال آشکاریندن
گلر اولدوزلار افغانه بو حال انکساریندن
گون آغلار کهکشان آغلار خسوفه یتسه آی قارداش
.
.
جمال انوری ای بنذییَن ماه دل آرایه
سالان ای سرو تک آل عبانون باشینه سایه
بو باتماقدان تاپار جرأت بو اعدایِ فرومایه
زیاد اوغلی یتر کامه دیر زینبده وای قارداش
.
.
منیم ای یارو غمخواریم وفالی قارداشیم یاتما
دونر سنسیز داخی قانه گوزومده گوز یاشیم یاتما
منه ای مونس و همدم وفالی یولداشیم یاتما
سخلدی غصّه دن قلبیم هرای قارداش هرای قارداش
.
.
سنون ادرک سسون آلدیم کسیلدی طاقتیم گلدیم
یقین ایتدوم اسیر اولدی یزیده عترتیم گلدیم
قوجالدیم درد داغیندن خم اولدی قامتیم گلدیم
غمینده خم اولان قامت دوزلمز بیرده دای قارداش
.
.
آنالار دهریده عبّاس هاموسی گر اوغول دوغسا
اگر دنیای پهناور اوغول قارداشیلن دولسا
هاموسی باوفا اولسا دلیر اولسا شجاع اولسا
دگل ممکن سنه اولسون جهاندا بیرده تای قارداش
.
.
ایدر تاریخ آینده قضاوت صادق عاشق سن
یازولسا مین کتابت شأنوه باجادی لایق سن
اماندور کسمه قارداشیم حسینوندن علائق سن
«کمک سیزدور آلون دؤرین» دوشر میداندا های قارداش
.
.
اولان ای منبع تقوا فضیلت درسینه دارا
خدایه عبد بی همتا جمالی ماه دل آرا
قوی دل موقع دعوا چو شیر بیشۀ هیجا
سنی آل اللّهه ویرمیشدی حق دنیاده پای قارداش
.
.
هاموسی یار و انصاریم باتوبلار یان یانا قارداش
بو میدان شهادتده باتوبلار آلقانا قارداش
اگر گلسیدی قلبیمده اولان یاره سانا قارداش
دیردیم اوندا قلبیم یارہ سین دور سنده سای قارداش
.
.
ایاقه دور گیدک یاتما یارالی گون قباقنده
سوسوزلار ایندی جام الده گزللر سو سراغنده
رقیّم ایندی یول گوزلور الى عطشان دوداقنده
تاپار شدّت عطش ایستی هوادور فصل یای قارداش
.
.
اگر « غفاری » بیر دفعه او قبره میهمان گلسه
اونیلا اولسا گر همره بیرعده نوحه خوان گلسه
« اوصالی مرتضائیله » ایدر ورد زبان گلسه
یخلدون سن بئلیم سیندی آزالدی چارم آی قارداش
.
#عباسیه #غفاری_زنجانی #عباسیه_شهادت #ترکی #زبدةالاشعار
نظر دهید