دور حسینیم قبرون اوسته تازه بیر غم گتدی زینب #اربعین_حسنی_تبریزی

اربعین
..
..
..
#سبک_ای_ویرن_ویرانه_یرده … عمه بو ویران سراده …
..
..
..
..
حاج حسین حسنی افشرد
..
..
..
..
..
دور حسینیم قبرون اوسته تازه بیر غم گتدی زینب
کربلایه شامدن شور محرّم گتدی زینب
..
..
..
..
..
دردیمی اوّل دیوم من یا دیورسن – سن حسینیم
راحت اول سن قبر ایچینده قوی دیوم بس من حسینیم
سن که آگه سن نه لرایتدی بیزه دشمن حسینیم
طعنۀ اغیاری تحفه عالم عالم گتدی زینب
..
..
..
..
..
شکر لِلَّه قسمت اولدی قبریوه گلدیم عزایه
اولمادی بیهوده سعی و همّتیم یتدیم صفایه
کعبۀ مقصودیمه نایل اولوب گلدیم منایه
ایتماقا رسوا فراتی گوزده زمزم گتدی زینب
..
..
..
..
..
قبرون اوسته اهل بیتون اولماقا دلجو گتوردوم
چین محنتدن بو دشته بیر سوری آهو گتوردوم
تشنه یاتما دور سنه گوز کاسه سینده سو گتوردوم
تا بوله عالم سنه قارداش آخار یَم گتدی زینب
..
..
..
..
..
اوندا که اسدی بوچولده صرصر غم بوستاته
نوبهار آل هاشم ظلمیله یتدی خزانه
بلبلان غم دوباره گلدی سولموش گلستانه
بو پوزولموش گلستانه گوزده شبنم گتدی زینب
..
..
..
..
..
من گیدنده کوفیه گوردوم تن عریانی قارداش
قلبووه وورموشدولار یاره آخوردی قانی قارداش
ویر خبر آیا تاپولدی دردوین درمانی قارداش
اولمیوب گر کاسۀ چشمینده مرهم گتدی زینب
..
..
..
..
..
باشون آگهدور که قارداش دوشموشم بیحد بلایه
کوفه ده گوردوم یارالی باشون اوخشاتدیم هلاله
خم الف قدیم اولوب اوخشاندی قارداش حرف داله
بار محنتدن بوکولموش قامت خم گتدی زینب
..
..
..
..
..
ساخلادیم گنجینۀ عشقون دل ویران ایچینده
کوفه زندانینده قارداش فرقۀ عدوان ایچینده
قورخودان نچّه بالا قیز ئولدولر زندان ایچینده
خوردا قیزلاردان حسین بیر نچه سین کم گتدی زینب
..
..
..
..
..
قبریوون اطرافی قارداش بو زمان اولسیدی خلوت
جسم زینبده بولردون سن نقدری وار جراحت
تازیانه ضربه سیندن واردى جسمینده علامت
چون سنه کشف ایتماقا اسرار مبهم گتدی زینب
..
..
..
..
..
بی سبب سانما که اطفال ایچره بیر بیله فغان وار
بیر بیله داد و فغانه دلده اسرار نهان وار
سندن ای شاه شهادت سینم اوسته بیر نشان وار
کوینگیدور سینه سی اوستونده محرم گتدی زینب
..
..
..
..
..
تا وارام عالمده قارداش شیون و شوره بهانه
قانلی بیر پیراهنیندور زینبه سندن نشانه
شامدن کرب و بلایه سینه سینده یانه یانه
سالماقا بو مدفنه بیر مایۀ غم گتدی زینب
..
..
..
..
..
عطریوی بو پیرهندن تا وارام آلّام حسینیم
قیزلارون دور و بریمده قبریوه سالّام حسینیم
قویسالار اولّام مجاور قبریوه قالّام حسینم
بیر تن خسته سنه همراز وهم دم گتدی زینب
..
..
..
..
..
لاجرم قارداش گرک بوردان گیدم من دلده محنت
قبر زهرا اوسته لازمدی ایدم بر پا قیامت
دورت مین اوخلی کو ینگون اوردا آچام گورسون جماعت
بیر علم بیر پیرهن بولسونه باهم گتدی زینب
..
..
..
..
..
ظاهراً گرچه یتیشدی آل بوسفیان مرامه
من اسارتله تزلزل سالدیم اما شهر شامه
حمدلِلَّه قویمادیم یتسون یزید شومی کامه
بزمینه گوردی نجه شور دمادم گتدی زینب
..
..
..
..
..
ایستدی اوز مجلسینده زینبه ایتسون اهانت
آتشین بیر نطقله سالدیم او بزمه شور و وحشت
ایلدیم اثبات کفرون خلقه کشف اولدی حقیقت
خارجیلر گوردیلر برهان محکم گتدی زینب
..
..
..
..
..
ال بوسفیانی رسوا ایلدیم دنیاده قارداش
فتح ایدوب شام دمشقی فتحیم اولدی عالمه فاش
بیر سفیر اوردا رقیّه آدلی قویدوم گوزده قانیاش
فتح شام شومدن اسناد اعظم گتدی زینب
..
..
..
..
..
نه رقیّه جان ویرنده یاندروب کونی یاخاردی
چوخ چکردی انتظارون یولّارا حسرت باخاردی
قانلی باشون سینه سینده سیل تک اشگی آخاردی
بیر نمونه اشک چشمیندن مسلّم گتدی زینب
..
..
..
..
..
بو گوزل قبرون مطاف انبیای مُرسلیندی
دولدوروب عطرون یارالی گوئیا صحرای چیندی
هذِهِ جنّاتُ عَدنٍ فَادخُلوها خالدیندی
ایلسون کرب و بلانی جنّته ضم گتدی زینب
..
..
..
..
..
گر چه سن زیبنده سن ای سرور لب تشنه نازه
لیک قارداش ویر ابوالفضل علمداره اجازه
پرچمین آلسون اله اکبرله چخسون پیشوازه
لیلی مجنون نمانی حالی درهم گتدی زینب
..
..
..
..
..
قاسمین بو چولده قانه دوندروبلر طوى حناسین
طوی گونونده نوعروسی باشینه سالدی قراسین
اربعینه شامدن قبر اوستونه آغلار آناسین
نوعروسی اونلا ایتسون ناله توأم گتدی زینب
..
..
..
..
..
یاتموسان قبر ایچره قارداش سینون اوسته شیرخواره
اصغره بولدوم یارالی سینون اولموش گاهواره
سود امردور لای لای دئ قویما گلسون آه و زره
مادر بیچاره سین دوتماقه ماتم گتدی زینب
..
..
..
..
..
گر چه بو دشت غم افزا سرزمین کربلادور
اهل عشقه لیک گلزار ارمدن باصفادور
بولدی بیمارون که درده تربت پاکون شفادور
تا شفا آلماقلقا اولدى مصمّم گتدی زینب
..
..
..
..
..
عرش تک ای مدفن پاکی اولان ششگوشه قارداش
بو یرین خوش حالینه آلدی سنی آغوشه قارداش
حشره تک زوّار قبرونده آلالّار توشه قارداش
اوّلین زوّاریوی با چشم پر نم گتدی زینب
..
..
..
..
..
زینب آدیندا (حسنی) اؤزگه بیر لطف نهان وار
مدعی بولسون که بو اشعاریده بیر اؤزگه جان وار
هانسی بیر سوز صاحبینده بیله بیر شیرین زبان وار
رشتۀ نظمه بیاناتون منظّم گتدی زینب
..
..
..
..
..