بعثت پیامبر اعظم صلی الله علیه و آله و سلم
.
.
.
#سبک_ای_دل_اگر_عاشقی
.
.
#سیدبشیرحسینی
.
.
آچ گوزیوى دمبدم دلبر و دلداره باخ
غار حرادن گلن احمد مختاره باخ
.
.
ساقى میخانه! وئر جام مىِ شوق و شور
گلدى مسلمانلارا موسم وجد و سرور
شادلیق ائدور عدنیده عشقیله حور و قصور
شمس رسالت ائدوب غار حرادن ظهور
گؤر نه منوّر اولوب طور کیمین کوه نور
شعشعهى نوره باخ معدن الانواره باخ
غار حرادن گلن احمد مختاره باخ
.
.
وَقریلى داغلار کیمین داغدان او سرور گلور
باشه قویوب تاج عشق عاشق داور گلور
آللَّه آدین وِرد ائدوب دیلده او دلبر گلور
عالم عَرَضدور بلى عالمه جوهر گلور
عازم اولوب منزله سارى پیمبر گلور
لعل شکرباره باخ دیلدهکى اذکاره باخ
غار حرادن گلن احمد مختاره باخ
.
.
تاج نبوّت قویوب باشینه حىّ اَنام
باشدان ایاقه اولوب نور او شه ذوالکرام
محو تماشا اولوب جنّ و بشر بالتّمام
یولدا آغاجلار اگور باشین ائدور احترام
حضرت پیغمبره عرض ائلیوللر سلام
ساقى اطهاره باخ ساغر سرشاره باخ
غار حراده گلن احمد مختاره باخ
.
.
خسرو بطحایه باخ یار دلآرایه باخ
نور تجلاّیه باخ آى کیمى سیمایه باخ
قامت رعنایه باخ رتبهى والایه باخ
شافع عقبایه باخ حضرت طاهایه باخ
مُصحف عیسایه باخ فارقلیطایه باخ
دُرج لبیمدن چیخان اُول دُر شهواره باخ
غار حرادن گلن احمد مختاره باخ
.
.
امّت پیغمبره من درجات ایستورم
حشریده آللّهیدن راه نجات ایستورم
کعبه سینى گؤرمگه برگ برات ایستورم
چشمه سینه تشنهام آب حیات ایستورم
سندن او یار عشقینه بیر #صلوات ایستورم
زلف چلیپایه باخ آى کیمى رخساره باخ
غار حرادن گلن احمد مختاره باخ
.
.
یار مؤیدى بو، سرور امجددى بو
شاه دو عالم ولى، بندهى ایزددى بو
منجى کلّ بشر، حق کیمى سرمددى بو
گؤیده ملکلر دیور بیربیره احمددى بو
یئرده دیوللر نبى یعنى محمّددى بو
صاحب قرآندى بو مَحرم اسراره باخ
غار حرادن گلن احمد مختاره باخ
.
.
یولدا علینى گؤروب سؤیلدى: اى جان منه!
گؤر نئجه لطف ایلیوب حضرت جانان منه
یولاّدى جِبریلدن آیهى قرآن منه
حکم رسالت وئروب خالق سبحان منه
ایندى على جان گئتور قلبیدن ایمان منه
گؤر نه دئدى مرتضی دیلده کى اقراره باخ
غار حرادن گلن احمد مختاره باخ
.
.
عرض ائلدى یا نبى! حقّ ائدوب احسان سنه
اولموشام اؤن ایلدى من واله و حیران سنه
اؤندا کى قنداقهمى وئردیله مهمان سنه
گَئتدیم آچیلجاق گؤزوم قلبیدن ایمان سنه
جانِ دو عالم اولا یکسره قربان سنه
عاشقه باخ عشقه باخ حیدر کرّاره باخ
غار حرادن گلن احمد مختاره باخ
.
.
گون آیى آغوشینه، آلدى دئدى مرحبا
یاور و یاریم على، شیرخدا، مرتضا!
دهریده سن سن اولان صاحب تخت هُدا
حشریده سن سن اولان صاحب حوض و لوا
من فَتَدلّى شهى، سن شه ملک ولا
حجّت داداره باخ، سؤیملى رفتاره باخ
غار حرادن گلن احمد مختاره باخ
.
.
ماه رجبده اولوب حق طرفیندن امیر
شافع روز جزا، عالِم سرّ ضمیر
چوخ گؤزل القابى وار بیرده بشیر و نذیر
حشره کیمین دهریده معجزهسى بی نظیر
فخر ائله صبح و مساء جدّیوه «سیدبشیر»
قطره یه باخ بحره باخ نسبته باخ یاره باخ
غار حرادن گلن احمد مختاره باخ
.
.
#مبعث
#آچ_گوزیوى_دمبدم_دلبر_و_دلداره_باخ
#ترکی
#زبدةالاشعار #پیامبراسلام
نظر دهید