دور حسین توکدی فلک کول باشیمه #حسنیه_سعدی_زمان

شهادت امام حسن مجتبی علیه السلام
.
#زبدةالاشعار
.
: @nohe_torki
.
مرحوم حسینی سعدی زمان
.
دور حسین توکدی فلک کول باشیمه
وئردیلر زهر جفا قارداشیمه
.
.
ویر آتام اوغلی ابوالفضله خبر
داده گلسون آل هاشم سربسر
.
.
باشلانوب تازه بلاسی باشیمون
بحر تک گور موجینی گوز یاشیمون
حالی پوزقوندور حسن قارداشیمون
دور حسین توکدی فلک کول باشیمه
.
.
آچ گوزون اولام گوزون قربانی من
سویله گلسون قاسم گل پیرهن
جان ویره آز قالدی قارداشیم حسن
دور حسین توکدی فلک کول باشیمه
.
.
زینبونده دیده گریانی گور
مجتباده ناله وافغانی گور
لبلرینده لخته لخته قانی گور
دور حسین توکدی فلک کول باشیمه
.
.
زینبونده دیده گریانی گور
مجتباده ناله وافغانی گور
لبلرینده ناله وافغانی گور
دور حسین توکدی فلک کول باشیمه
.
.
گل حسن قارداشیمه ایله نظر
گورنجه زهر جفا ایلوب اثر
سبز رنگ اولموش وجودی سربسر
دور حسین توکدی فلک کول باشیمه
.
.
من حسنده گوردوقوم حالی اگر
گورسن ای شاهنشه خونین جگر
گوزلرون رخساره خون دل توکر
دور حسین توکدی فلک کول باشیمه
.
.
بوحسینون باشی اوسته مرتین
گلدی زینب توکدی گوزدن اشک عین
سسلدی یاندیم آنام اوغلی حسین
دور حسین توکدی فلک کول باشیمه
.
.
بیر بوریدی زینب علیا جناب
گلدی قارداش باشی اوسته دلکباب
قتلگهده ایلدی برده خطاب
دور حسین توکدی فلک کول باشیمه
.
.
ای امامت برجینه مهر منیر
ظلمده طغیان ایدوب قوم شریر
ایلیوب اهل وعیالون دستگیر
دور حسین توکدی فلک کول باشیمه
.
.
قزلارون باغلاندی قارداش قول قولا
دور ئوزون سال باشسیز اطفالون یولا
اولما راضی پاسبانیم شمر اولا
دور حسین توکدی فلک کول باشیمه
.
.
آغلیام قویمولار ئوز قارداشیمه
رحم ائدن یوخ بیر نفر گوز یاشیمه
کوفیان قمچی ورولار باشیمه
دور حسین توکدی فلک کول باشیمه
.
.
ای #حسینی قیل حسینه التجا
دردوه لطفا ئوزی قیلسون دوا
مطلعی یاز مقطعه ایله نوا
دور حسین توکدی فلک کول باشیمه
.
.
.
.
#حسنیه_شهادت
#حسنیه_سعدی_زمان
#دور_حسین_توکدی_فلک_کول_باشیمه
#لمعات_حسینی ص 93
#ترکی
.
#زبدةالاشعار
.
: @nohe_torki