دور حسین گور نه زار و خسته #اربعین_زلفی_تبریزی

اربعین
.
✍️ زبدة الاشعار ✍️
.
🆔: @nohe_torki
.
زلفی تبریزی
.
.
دور حسین گور نه زار و خسته
گلدی زینب مزارین اوسته
خوش صفا ایله اهل بیته
گویلون آل ای شه خجسته
.
زینبم حالیوی بیان ایله منه
منده سینمده سوزلریم واردی سنه
.
اویان قارداش (4)
.
.
.
.
.
سوز آهیم گویه اوجالدی
پیکرون قوملار اوسته قالدی
بیر یاریم گونده درد الیندن
گور نجه زینبون قوجالدی
.
بولمدیم کسمیشیدی کیم اللریوی
کیم سنون قبره قویدی گول پیکریوی
.
اویان قارداش (4)
.
.
.
.
.
کوفه ده گلدی سینه تنگه
قافلم اوردا دوشدی لنگه
اهل کوفه بیزیله قارداش
گوییا گلمیشیدی جنگه
.
دیل یاراسی وراردیلار کوفه لیلر
حرمت آل مصطفی بیلمدیلر
.
اویان قارداش (4)
.
.
.
.
.
ایتدی مرجانه اوغلی بلوا
محفلی ایلدی محیا
اهل بیته او جرگه ایچره
قویمادی طاقت و شکیبا
.
باخمیوب حال زار کوکبلریوه
خیزران وردی خشک اولان لبلریوه
.
اویان قارداش (4)
.
.
.
.
.
دوشدی یول شام شومه قارداش
شامیده گوزدن آخدی قانیاش
قوللاریم باغلی ناقه عریان
کاش اولیدیم اویرده ایکاش
.
جبر و جور یزید بیشرم و دغا
مجلس شرب هارا حسین زینب هارا
.
اویان قارداش (4)
.
.
.
.
.
گزمیشوخ کوچه کوچه شامی
اولمادی اوردا بیرجه حامی
بامیلردن توکوبله کول داش
اولدی لبریز صبر جامی
.
شامیان طعنه وردیلار چالدیلا دف
قانلی باشون اولوب حسین سنگه هدف
.
اویان قارداش (4)
.
.
.
.
.
گورموشوخ سرزنش عتابه
مسکن اولدی بیزه خرابه
خسته قیزلار ایراق گوزوندن
باش قویوبلار هامی ترابه
.
اشک چشمی سولان عذاره اَلَه دیم
کنج ویراندا بیر گهر دفن ایلدیم
.
اویان قارداش (4)
.
.
.
#سبک_اصغریم_ای_شیرین_زبانیم
.
.
#اربعین
#دور_حسین_گور_نه_زار_و_خسته
#زلفی_تبریزی
#ترکی
.
✍️ #زبدةالاشعار ✍️
.
🆔: @nohe_torki