اربعین
زبانحال حضرت زینب (س)
..
#سبک_آتدان_یره_چون_دوشدی (با واگیر مناسب) … #سبک_یاران_چه_غریبانه (بدون واگیر) … #سبک_آی_گویده_کی_اولدوزلار (بدون واگیر )
..
..
حاج احمد احمدی (جوان)
..
..
دور قارداش حسین شامی ویران ایلیوب گلدیم
عالملره منظورین اعلان ایلیوب گلدیم
..
..
من کوچ ایلین وقته سن قانیوه باتمشدون
اوخ نیزه لر آلتندا مین نازیله یاتمشدون
سرمستیدون عشقونده گوزدن منی آتمشدون
قرآنی ایدوب زندہ اؤز جانیوی ساتمشدون
پاک عشقیوی دنیایه اعلان ایلیوب گلدیم
..
..
ایتمشدی طنابیله دشمن قولومی بسته
اولموشدوم ازلدن چون من عشقیوه دل بسته
یول باشلادیم عشقیله عریان دوه لر اوسته
روحیم اولوب امّا چوخ درد و غمیلن خسته
قلبیمده مصیباتی پنهان ایلیوب گلدیم
..
..
سن قانیولن آچدین بیر مکتب حرّیت
منده بو قیامیلن اولموشدوم ازل شرکت
باغلیدی قولوم امّا فوت ایلمایم فرصت
احیای شریعتده منده ایلدیم همّت
هر شهریده تفسیر قرآن ایلیوب گلدیم
..
..
من کوفیه ایستوردوم عشقیله اولام داخل
قانلی باشیوا گوردوم بیر شخص اولوب حامل
بیر قاره بولود گوردوم مه صورتیوه حایل
چاتمادى الیم یوزدن خاشاکی ایدم زایل
بو غمده یانان قلبی سوزان ایلیوب گلدیم
..
..
گزدیم باشین آردیجا هر کوچه و برزنده
ناحق توکولن قانلار ایستوردوم اولا زنده
بو نهضتیوی قارداش بیلسون هامی ارزنده
باش یارماقی بیلدوم من عشق اوسته برازنده
عشق اهلنی عشقیمده حیران ایلیوب گلدیم
..
..
چوخ همّتیلن گیتدیم من مجلس اغیاره
قویمادیم حسین قزلار اشگین توکه رخساره
باش اگمه مو سن منده باش اگمه دیم اشراره
مجلس هامی مات اولدی زینبدہ کی رفتاره
خاکیله او درباری یکسان ایلیوب گلدیم
..
..
شاماته قدم قویدوم قول باغلی طنابیلن
گوردوم که مخالفدور شام اهلی حجابیلن
اورتدوم یوزومی منده بیر کهنه نقابیلن
بازاری دولاندیم من چوخ وقر و عتابیلن
شام اهلینه تبلیغ ایمان ایلیوب گلدیم
..
..
بیر مجلسه ایتمشدی هند اوغلی بیزی دعوت
قالمادی او مجلسده زینبده داخی طاقت
انکار ایلوری گوردوم قرآنی او بد فطرت
سن قانلی دوداقیلن ویردون باجوا جرئت
کاخ ستمی یکسر ویران ایلیوب گلدیم
..
..
سن طشت زر اوستونده احوالیمه آغلاردون
حسرتله باخوب یورقون اطفالیمیه آغلاردون
ظلمیله اولان غارت اجلالیمه آغلاردون
باخدوقجا او مجلسده افعالیعه آغلاردون
گوردون نجه ایفای پیمان ایلیوب گلدیم
..
..
اولدی باجیوا مسکن بیر گوشۀ ویرانه
عمرین یتیروب بیر قیز ویرانه ده پایانه
ایتدیم او یری مخزن بیر لعل بدخشانه
دفن اولدی بالان دوندی ویرانه گلستانه
دردی باجوین قدّین چوگان ایلیوب گلدیم
..
..
مدّتدی فراقونده پژمرده و دلگیرم
حجرانیوه یوخ طاقت عشقونده زمین گیرم
ظاهرده «جوانم» من باطنده ولی پیرم
آگھسن اؤزون شاها غرق یم تقصیرم
سن کان کرمسن من عصیان ایلیوب گلدیم
..
..
#اربعین #احمدی_جوان #ترکی #زبدةالاشعار
نظر دهید