دور گیدرم شامه لب عطشان بابا #کوچ_کربلا_عاصی_تبریزی

زبانحال جناب سکینه به سر نعش حضرت حسین (ع)در موقع کوچ
.
#زبدةالاشعار
.
: @nohe_torki
.
#سبک_ای_باشی_سرنیزده_معراج_ایدن
.
مرحوم عاصی تبریزی
.
دور گیدرم شامه لب عطشان بابا
جانیم اولا جانیوه قربان بابا
((تشنه ویرن جان بابا
جان سنه قربان بابا))
.
.
بس دگی بو کول توکولوب باشیمه
قالمیشام حسرت بابا قارداشیمه
شمر منیم باخموری گوز یاشیمه
قیمور ائدم ناله و افغان بابا
.
.
ظلم ایپنه باغلانوب آخر قولوم
نعشوون اوستونده نئجه ساچ یولوم
منله دانش بیر سنه قربان اولوم
قویما قالوم واله و حیران بابا
.
.
کوچ ائدیروخ بس هانی سرداریمز
هاردا قالوب گلمور علمداریمز
یوخدی بیزیم کیمسه پرستاریمز
قالدوخ عجب بی سر و سامان بابا
.
.
دوتموری دیل شرح ائلیم حالیمی
آندیرام آخر سنه احوالیمی
قویدولا دیلده هامی آمالیمی
رحم ائیلمور حالیمه عدوان بابا
.
.
آچدیلار ال اهل جفا غارته
عترتیوی سالدیلار چوخ زحمته
دوشدوله اهل حرمون شدّته
خیمه لرون ائتدیله تالان بابا
.
.
وئردیلار اود یاندی تمام خییم
قالدی اود ایچره باب اهل حرم
چوللره قاچدی حرم محترم
باغریم اولوب لاله صفت قان بابا
.
.
معجر و خلخالیمیزی آلدیلار
اهل حرم باشی آچوق قالدیلار
عترتیوی آت دوشنه سالدیلار
دولدی نوا ائیله بیابان بابا
.
.
اهل جفادن بابا چوخدور گله
وردیلا بیماریوه بیر سلسله
قالدی نه حاله داخی گلمز دله
اولدی اسیر حجت رحمان بابا
.
.
عمّه مون آلدیلا بابا معجرین
قویدولا قوینوندا ایکی اللرین
گورسن اگر بازوی نیلوفرین
قلبون اولار قان ، شه دوران بابا
.
.
یوللانوری شامه طرف قافله
سویله عموم بیرقین آلسون اله
تا یتوره بیزلری سر منزله
اولسون عیالیوه نگهبان بابا
.
.
یوخدوی بیزیم حالیمیزه بیر یانان
دور دالیمیزجا سن اوزون وئر اذان
شامه سلامت گئده بو کاروان
لطفووی قیل عالمه اعلان بابا
.
.
بس یتشوب «عاصیه» غم اوسته غم
قامتنی بار غم ایلوبدی خم
گوز سنه تیکمیش ائله دفع الم
قیل اونا بو بارده احسان بابا
.
#کوچ_کربلا_عاصی_تبریزی
#دور_گیدرم_شامه_لب_عطشان_بابا
#ترکی
.
#زبدةالاشعار
.
: @nohe_torki