در عزای امام حسین (ع)
.
✍️ زبدة الاشعار ✍️
?: @nohe_torki
.
مرحوم غمکش
.
گلشنده گللر آغلیار ای نوگل طاها سنه
نوحه ائدر ارض و سما ای زادۀ زهرا سنه
.
قانلی مناده ای الان اؤز قانینه غلطان حسین
قرآن یولوندا ای ائدن اؤز جانینی قربان حسین
بی یار حسین، بی کس حسین، مظلوم حسین، عطشان حسین
ماتم دوتار یئر گوی سنه قان آغلیار دنیا سنه
.
کرببلاده کوفیان سدّ ایلدی یوللاروی
قانه ستملن غرق ائدوب اصحابوی انصاروی
توش ایلدی مین محنته اشکی روان قیزلاروی
مهمانیدون امّا او گون رحم ائتمدی اعدا سنه
.
اولدون او چؤلده روبرو سن فرقۀ تزویریلن
دعوت ائدنلر چیخدیلار پیشوازوه شمشیریلن
جنگ امامه گلدیلر قرآنیلن تکبیریلن
قرآن دئیر ای وای حسین افغان ائدر مولا سنه
.
قان اولدی قلبون اونداکی قانه بویاندی دلبرون
قطعه به قطعه دوغرانوب میداندا رعنا اکبرون
اکبر غمینده ایندیده آغلار حسین جان گؤزلرون
یاد ایلینده اکبرین آغلار خانیم لیلا سنه
.
آماج ائدوبدی قاسمی اوخلاره قوم کینه جو
اولمادی بیر کیمسه دئسون رحم ایلیون عطشاندی بو
آتلار ایاقینده دئدی گل دادیمه ئولدوم عمو
جان اوسته قالموش منتظر بو بی کس و تنها سنه
.
نهر اوسته دورد مین اوخ آتان عالملره اود ویردیلار
عبّاسی آتدان ییخدیلار قلبون سنون یاندیردیلار
سرداروی ئولدوردولر اوندا بئلون سیندیردیلار
سو اوسته اؤز جانین سوسوز قربان ائدوب سقا سنه
.
ای وای او ساعتدن چیخوب آهون شراری گویلره
آز قالدی کی صبرون سینوب تالان اولونسون یکسره
اوچ شعبه لی اوخ حرمله ویردی او دیلسیز اصغره
بو غصّه چوخ گلدی گران ای حجّت یکتا سنه
.
محشر اولونجان شیعه لر سسلله وای مظلوم آقا
عصرین چاقی ییخدی سنی مینلر جفاجو توپراقا
غوغا اودم برپا ائدوب امّت امام ئولدورماقا
نه ظلم اولوب اول دشتیده ای شاه واویلا سنه
.
#سبک_ای_شاه_مظلومان_حسین (5 سبک متفاوت سینه و زنجیر و … )
.
#ورود_محرم
#گلشنده_گللر_آغلیار_ای_نوگل_طاها_سنه
#غمکش
#نوحه_های_محرم_غمکش
#ترکی
.
✍️ #زبدةالاشعار ✍️
?: @nohe_torki
نظر دهید