زبانحال امام حسین (ع) در شهادت حضرت علی اکبر (ع)
.
زبدة الاشعار
.
: @nohe_torki
.
بهلول حبیبی زنجانی
.
دوشدی ترابه اکبر
تئز گل اماندی زینب
شبه پیمبر اوغلوم
قانه بویاندی زینب
.
.
.
آهو کیمی سالوبدی اعدا اونی کمنده
باد جفا اسوبدی گلزاریمه چمنده
اعضاسی پرپر اولدی یوخ ساه یری بدنده
تفسیر اربا اربا بوردا عیاندی زینب
.
.
.
بالینینه یتیشدیم سالدیم یره عبامی
چکدیم بیر آه ایشیتدی گویده ملک نوامی
حمل ایلییوم نجه من اخیامه بو بالامی
ئولدی مکبّر اوغلوم وقت اذاندی زینب
.
.
.
چوخ با ادب جواندی اکبر زبانزد اوغلوم
ئل طایفادا سرآمد شبه محمد اوغلوم
یاندی جگر آلیشدیم دوغراندی ارشد اوغلوم
یوخدی دیزیمده طاقت قدیم کماندی زینب
.
.
.
گلمور شماره زینب نعشونده کی یاراسی
گورسه بو حالدا نیلر نسگل اونون آناسی
قلبی سینار آنانون ئولسه جوان بالاسی
سیندی منیمده قلبیم اوغلوم جواندی زینب
.
.
.
گل باجی ویر تَسلّا اوغلی ئولن امامه
یوخ طاقتیم بو نعشی حمل ایلییم خیامه
ئولدوردولر بالامی اعدا چاتوبدی کامه
سولدی گولوم عباده گلشن خزاندی زینب
.
.
.
.
#اکبریه_بهلول_حبیبی_زنجانی
#اکبریه_شهادت
#دوشدی_ترابه_اکبر_تئز_گل_اماندی_زینب
#ترکی
.
#زبدةالاشعار
.
: @nohe_torki
نظر دهید