زبدةالاشعار

نسیم عشق گلزاره اسندی #حسنیه_مصیبی_تبریزی

مدح و میلادیه حضرت امام حسن مجتبی علیه السلام
.
.
.
مصیبی تبریزی
.
.
.
نسیم عشق گلزاره اسندی
بو گلزارین صفاسی پنج تندی
.
بولار سرّ بقای انجمندی
بیری پیغمبر شیرین سخندی
.
بیری دردانۀ نیلی بدندی
همان کی ساکن بیت الحزندی
.
بیری دین اوسته جانیندان گئچندی
علی دور غرقۀ بحر محن دی
.
و بیرجوت گول بو گلشنده عَلندی
او بیر جوت گول سویدای چمندی
.
بو گوللر نزهت دشت و دمندی
نه یاس و لاله دی نه یاسمندی
.
نه نسرین و نه راج و نسترندی
کی عطری عرش اعلادن گلندی
.
بیری طاووس جنّات العدَندی
همان مشک فرحزای ختن دی
.
حسین دی شیعیه شاه زمندی
او بیرسی بیر غریب ممتحندی
.
علی المرتضی تک بت شکندی
گوزون پیغمبر و زهرا ئوپندی
.
انیس منزلی دوزدی زغندی
ولی عشقی ئورکده اگلشندی
.
دیوللر زهریلن مظلوم ئولندی
گوزل آدی صفای روح و تندی
.
او آدی سسله قلبی تیترَدَندی
دئنن فاش اولسون احساسین ندندی
.
جهان بولسون بو مولا شیعه دندی
هامی بولسون بو کیمدی کیمسه دندی
.
کریم و پرده دار پنج تندی
علی نین اوغلودی آدی حسن دی
.
حسن از جملۀ ارکان دیندی
حسن تندیس ختم المرسلیندی
.
گدای درگهی روح الامیندی
دلآرامِ امیرالمومنین دی
.
پیمبر دینینه یار و معین دی
صفایِ جلوۀ صد حور عین دی
.
شفیع باوقارِ مذنبین دی
چنان عباس، پرچمدار دیندی
.
گوزللیقدا رسول خاتمین دی
کریم آسمانها و زمیندی
.
کی درگاهینده حاتم خوشه چیندی
آغیزدا آدی شهد و انگبین دی
.
صفای بزم فردوس بریندی
علی تک خوش جمال و مه جبیندی
.
چنان زهرادی نطقی آتشیندی
رسول اللهه سبط اولین دی
.
حسین تک حافظ دین مبین دی
همان سدّ سدید مشرکیندی
.
غزلخوانی کرام الکاتبین دی
اونون گفتاری بیحد دلنشین دی
.
صفاسی سینه ده شور آفریندی
وقار ساحتی عین الیقیندی
.
ال ئوزمه دامنی حبل المتیندی
ثناسین ایله ماق چوخ چوخ چتیندی
.
عدوسی نار سوزانه قریندی
حصار بارگاهی بس حصیندی
.
همان انگشتر دینه نگیندی
ئورکدن سسله بولسونلربوکیمدی
.
کریم و پرده دار پنج تندی
علی نین اوغلودی آدی حسن دی
.
#حسنیه_مدح #میلادیه
#حسنیه_میلادیه
#نسیم_عشق_گلزاره_اسندی
#مصیبی_تبریزی
#ترکی

متن پیشنهادی:  ای خدا جان اوستیم اوغلوم جوادی تئز یتور #رضویه_ذاکر_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی