دوشن زماندا آت اوستن شبیه پیغمبر #اکبریه_عاصی_تبریزی

استمداد حضرت علی اکبر (ع) از پدرش
.
#زبدةالاشعار
.
: @nohe_torki
.
مرحوم عاصی تبریزی
.
دوشن زماندا آت اوستن شبیه پیغمبر
یوزین خیامه دوتوب سسلدی علی اکبر
.
که ای شهنشه والامقام یااَبَتا
اولا حضوریوه مندن سلام یااَبَتا
.
چوخ ایستدیم که ائدم بیرده من حضوریوی درک
ندیم ایدنمدیم اخذ مرام یااَبَتا
.
دوشم ایاقووه عذر ایسترم قصوریمدن
اولام بو بارده نایل بکام یااَبَتا
.
سو ایستدیم بابا مندن خجالت اولدون اگر
اولوب بوسوز منه درد عظام یااَبَتا
.
یولومی باغلادیلار کینه و عنادیله
سپاه کوفه و اشرار شام یااَبَتا
.
اوقدر یاره یتوب جسممه بو لشگردن
که دوغرانوب بدنیم بالتّمام یااَبَتا
.
نه وار سورونماقا تابیم نه گلماقا طاقت
نه وار وجودیده حال قیام یااَبَتا
.
قلج الینده گَلَن ظلموله ورور یاره
اولوبدی مین قلجا بیر نیام یااَبَتا
.
گوزوم یولوندا سنون انتظاریوی چکورم
یتش هرایمه قیل اهتمام یااَبَتا
.
غم ائیلمه بودی جدّیم گلوب باشیم اوسته
کرامت ائتدی منه بیرجه جام یااَبَتا
.
بوقوم کینه ده انصاف یوخ مروت یوخ
ائدوبله قتلمه چوخ ازدحام یااَبَتا
.
دولوبدی آغزیما قان سد ائدوب نفس یولونی
اودور که اولمور ادای کلام یااَبَتا
.
بویور داخی آناما تیکمه سین گوزون یولوما
که باغلانوب منه راه خیام یااَبَتا
.
روادی «عاصی» کیمی بیر غلام درگاهون
بیر اوزگه کیمسیه اولسون غلام یااَبَتا
.
توجه ائتگله قورتار فشار دنیادن
که یوخدی اوندا فشاره دوام یااَبَتا
.
.
#اکبریه_عاصی_تبریزی
#اکبریه_شهادت
#دوشن_زماندا_آت_اوستن_شبیه_پیغمبر
#که_ای_شهنشه_والامقام_یاابتا
#ترکی
.
#زبدةالاشعار
.
: @nohe_torki