خروج از مدینه
سوال و جواب فاطمه صغرا(س)با علی اکبر(ع)
.
.
✔️ سوال و زبانحال حضرت فاطمه صغری (ع) در هشتک زیر
#همیشه_ذکریم_اولوب_ایسترم_خدادن_على
.
.
✔️ جواب حضرت علی اکبر (ع) در هشتک زیر
#بو_قدری_آغلاما_گلمه_بئله_فغانه_باجی
.
✍️ #زبدةالاشعار ✍️
.
🆔: @nohe_torki
.
مرحوم #عاصی_تبریزی
.
همیشه ذکریم اولوب ایسترم خدادن على
سنون وجودیوی حفظ ائيليه بلادن على
.
اگر سنه متوجه اولا بلا قارداش
وئره منه سنی محفوظ ائده بلادن علی
.
بودور اورکده نظر، بدنظرلرين نظری
همیشه دور اولا بو قامت رسادن علی
.
منیم بدنده کی روحیم سن ایسترم روحیم
مصون اولا الم و درد و ابتلادن علی
.
که روح اولماسا نه فایده قوری جاندان
نه قدر و قیمتی آرتوخ اولور نمادن على
.
گوزومدن ای گوزومون نوری سن کنار اولسان
دوشر منیم هر ایکی گوزلریم ضيادن على
.
سنون وجودویله منده فوت دل وار
کناره گئتسن اگر، دل دوشر قوادن علی
.
بو نچه گونده که یاددان چخاتموسان منی سن
گئدوبدی تاب و توانا بو مبتلادن على
.
بونیله بیله که بثربده سن اونی بولورم
گنه گئدوبدی تحمل بو بینوادن علی
.
فدا قدملریوه چکمه منزلیمدن آياق
مرض منی گوروسن که سالوبدی پادن على
.
بویور گوروم بو گلیشدن نظر عیادتدور
و یا وداعیدی بو من گونی فرادن على
.
بئله که حسرتیله ایلیسن نظاره منه
خبر اولور منه معلوم مبتدادن علی
.
بو آغلاماق بو لباس سفر بو طرز نگاه
وئرور خبر منه بو غملی ماجرادن على
.
عبث یره بئله دوشموبدی اضطرابه اورک
شمیم هجر مشاميم آلور هوادن علی
.
ائشیتموشم گئدور عمَّم آنام عموم سفره
یانمدا فالموری هر کیمسه اقربادن علی
.
اليم ائلیمدن اوزولسه ندور علاجیم بس
مواظبت کیم ائدر بو غم آشنادن علی
.
مريضه یم بولوسن یوخدی دردیمه یتنیم
جفائیله اوزولوبدور البم آنادان علی
.
بو خوش دگول منی بو حالیله قویوب گئده سوز
البم چخا باجی قارداش عمو آتادن علی
.
اوزوم مریض علاوه قالام وحيد و غریب
وطنده قالميا بو آل مصطفادن على
.
بویور گوروم علی قارداش ندور منه چاره
بو مبتلای غمی سن قوتار بلادن على
.
گئدنلریم کیمی سنده منی قویوب گئدیسن
اوزاقدی سن کیمی بیر معدن وفادن علی
.
دیینمرم سنه گئتمه گئدور آنان ليلا
مگر اولور که آنا آیريلا بالادن علی
.
گئدیر سن ایندیکه بو عرضمی قبول ائیله
آیرما گل منیده آلِ قُل کفادن على
.
گلوب تکلمه گویا شبیه ختم مآب
عزیز باجسینا سویلدی بو نوعی جواب
.
.
#ترکی
.
✍️ #زبدةالاشعار ✍️
.
🆔: @nohe_torki
نظر دهید