مدح حضرت امام رضا علیه السلام
.
زبدة الاشعار
?: @nohe_torki
.
روح الله رمضانی
.
دیار طوسیده بیر با صفا حرم واردی
بیر آستان رفیع و ملک خدم واردی
.
سالور یادا رفقا حضرت علی حرمین
چون اول حریمیده بیر مرتضی شیم واردی
.
اگر علی حرمی فخر اولوبدی اعرابه
بیزه ده طوسیده بیر مفخر عجم واردی
.
نظرده خلق ایلیور حشمت سلیمانی
گورون هایاندا بیله شاه محتشم واردی
.
بهشتی درک ایلدوک بیز ایله بو دنیاده
بیزه دیار طوسیده چون روضه ارم واردی
.
جلالته او حرم حرمتینه دارادی
داخی بیزیم بو ایرانیمیزدا نه کم واردی
.
بیز ایلده گتساق اگر محضرینه بیر دفعه
اونون بیزه نظر لطفی دمبدم واردی
.
الی دولی قیدور کیم اورا اولور زائر
چون اول مکانیده بیر صاحب کرم واردی
.
دواسی هر مرضین اوردا اذن حقیله
خدای لم یزلین ذاتینه قسم واردی
.
رضادی دلده سوزوم قم اولا و یا مشهد
آدی دیلیمده اونون هر یره گئدم واردی
.
رضادی شافع محشر جزاده بی تردید
داخی بو خاکیه محشر گونی نه غم واردی
.
جهانی ویرسله یازماز اوزگنون وصفین
الینده آل علی عشقینه قلم واردی
.
#رضویه_مدح
#دیار_طوسیده_بیر_با_صفا_حرم_واردی
#رمضانی_خاکی
#ترکی
.
#زبدةالاشعار
?: @nohe_torki
: @nohe_torki . عباس داداش زاده( فانی تبریزی ) . هجران اودی یاندیردی دل و جانیمی گل گل آشفته قیلوب زلف پریشانیمی گل گل . آخر نفسیم دور اولورم هارداسان ای یار شیطان آلاجاق گلمه سن ایمانیمیبیشتر
نظر دهید