دیار کربلایه چون یتیشدی شاه مظلومان #ورود_کربلا_کاتب_اردبیلی

ورود به کربلا
زبانحال امام حسین (ع) به حضرت اباالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم کاتب اردبیلی
.
دیار کربلایه چون یتیشدی شاه مظلومان
اولوب ظاهر اودم مصداق کلّ من علیها فان
.
.
غبار غم باسوب اول دشتیده فرزند زهرانی
بیلوب اول پرخطر چولده آخار سو تک قزل قانی
شه مظلومه کشف اولدی داخى اسرار پنهانی
همان یردور فدای حق اولور یتمیش ایکی قربان
.
.
بویوردی شاه دین عباسه ای کان وفا قارداش
بو دشت نینوادور معدن جور و جفا قارداش
بو یردور قانیله مملو اولور همچون منا قارداش
ائدر جور و جفا بیحد بو یرده لشکر عدوان
.
.
اولور بو دشتده ظاهر عناد قوم بداختر
بیزه سو یولّارین باغلار ستمله اول منافقلر
قالور بو خوردا اطفالیم خیام ایچره سوسوز یکسر
یانار گهواره ده سوز عطشدن اصغر عطشان
.
.
اولور قارداش بو چولده قانینه غلطان علی اکبر
ستمله دوغرانور ایستی قوم اوسته عونله جعفر
گروه کینه قویمازلار قالا من بیکسه یاور
ویرالار شیرخواره اصغرون هم حلقینه پیکان
.
.
شهادت وقتیمی وئرمیش خبر جدیم شه بطحا
فَقالَ إِنَّ فِی شَهرِ مُحرَّم یَومِ عاشورا
اولور کرب وبلا دشتی او گون قانیله چون دریا
قویالّار بوسه گاه مصطفایه خنجر بران
.
.
خیام آل طاهانی چوخور یرده ائدون برپا
هراسه دوشمسون آل پیمبر گورمسون دعوا
ائدر عالم لری ویران گوره گر زینب عُلیا
کسنده باشیمى دالدان ستمله شمر بی ایمان
.
.
بو چولده یاندیرالار خیمه گاه آل طاهانی
ائدر شمر دنی ویران بنای دین و ایمانی
چکر بو محنتی نظمه اندر شوریله افغانی
اولور بزم مصیبتده همیشه کاتبیم نالان
.
.
.
#دیار_کربلایه_چون_یتیشدی_شاه_مظلومان
#ترکی
.
✍️ #زبدةالاشعار ✍️
.
🆔: @nohe_torki