دیار کوفه ده یارب نه وار آشوب وحشتدور #حیدریه_بیخود_سرابی

حالات حضرت امیرالمؤمنین (ع)
..
..
..
..
..
مرحوم بیخود سرابی
..
..
..
..
..
دیار کوفه ده یارب نه وار آشوب وحشتدور
امیرالمؤمنین قتله یتوبدور، یا قیامت دور
..
..
..
..
..
یارالی باشینی ایندی چکوبدور زینب آغوشه
آچار قانلو گوزین گاهی باخوب گاهی گیدر هوشه
ابوالفضله دیر گل بیر جمالوندان آلوم توشه
اوزون بازولروندن بیر اؤپوم هنگام رحلتدور
..
..
..
..
..
دیدی عباسه عاشورا ، بو بازولر گلر کاره
اوزون قول لازم و ملزومدور اولسون علمداره
علم یاتسا قولون دوشسه وورالار مشک اولور پاره
حسین عشقینده بو قولار سنه مندن امانتدور
..
..
..
..
..
بویوردی واردی بیرجه التماسیم ای حسن سندن
حسینه ایسترم قیل پیش کش دامادی من ،سندن
گلستان بلاده عندلیب اوندان، چمن سندن
عروسه قاسم داماد قانی، یاخشی زینتدور
..
..
..
..
..
بویوردی بو غم و دردی فراموش ایتمه یا زینب
چراغ حجلۀ دامادی خاموش ایتمه یا زینب
علی اکبر گیدن وقته کفن پوش ایتمه یا زینب
دیللر مصطفا دنیایه گلمیش وقت رجعتدور
..
..
..
..
..
سنی دفن ایلینده زینبه چوخ احترام اولدی
گلوبدور بانوان کوفه آرتوخ صف سلام اولدی
گذاری زینبون بیر وقتده بازار شام اولدی
او مظلومه یتوب سنگ شماتت سر سلامتدور
..
..
..
..
..
بو مظلومه دیدی ای شامون اهلی بیز مسلمانوخ
پیمبر جدّیمیزدور وورمیون چوخ اهل قرآنوخ
اسیروق بیز ولیکن گلموشوخ بو شهره مهمانوخ
بیله مهمانه حرمت ایلماق سیزلرده بدعتدور
..
..
..
..
..
دونوب اوغلی حسینه سسلنوب ای نورعینیم گل
بو اهل کوفه بُل مندن صورا سندن گوتورمز ال
کسر بو اللرون اوز ساربانون بارماقون بجدل
رعیت هتک حرمت شاهینه ایتسون جسارتدور
..
..
..
..
..
گیدنده یا امیرالمؤمنین قانلو جمالیلن
یغلدی باشوه اوغلانلارون گوتدی جلالیلن
حسینی دفن ایدوب بیمار او جسم خسته حالیلن
گوروب نعشینده سانسیز یاره دور، قاندور، جراحتدور
..
..
..
..
..
او خاتونین خطابی گور نه تأثیر ایلیوب شامه
ووروب اود نی لره شام اهلی چیخدی غرفه و بامه
قولی باغلیدی بیمارین دوتوب اود یاندی عمّامه
امام عصر حالین فکر ایله گور بیر نه حالتدور
..
..
..
..
..
ایدر صبح و دمسا «بیخود» حسین احوالنه ناله
توکر بلبل کیمی غنچه گل اُسته اشکدن ژاله
ووروب دورِ قَمرده اهل بیت مصطفاهاله
آچوب کلثوم و زینب باش وورار باشه قیامتدور
..
..
..
..
..
#حیدریه #بیخود_سرابی #حیدریه_شهادت #ترکی #زبدةالاشعار