«زبانحال مولا علی (ع)بربالین حضرت زهرا(س)»
.
✍️ زبدة الاشعار ✍️
.
🆔: @nohe_torki
.
#مصیبی_تبریزی
.
دونوبدی قانه سرشکیم بوقانلی گوزلره باخ
بئلیم بوکولدی غمینده ،دور ایندی حیدره باخ
.
سینوبدی آینۀ قامتیم فراقیندن
خضاب یأسه بویانمیش امیرِ خیبره باخ
.
منی گذشت ائله زهرا خجالتم سندن
بو دوقّوز ایلده اولان زحمت مکرّره باخ
.
نه چوخ بلایه دوشوبسن عم اوغلیوا خاطر
یوزون گوزون گویروبدی یارالی پیکره باخ
.
گلوب اجل منیده راحت ایلیه ای کاش
سنیله منده گلَم سروه باخ صنوبره باخ
.
فلک نه حاله سالوب گورعم اوغلیوی،زهرا
کی ایلیور ئولومون آرزو دعالره باخ
.
نه تئز مسافر دنیای کجمدار اُلدون
علی قالوب تک و تنها ئورکده سوزلره باخ
.
مدینه نین غم واندوهی سالدی درده سنی
حریم یاره گئدورسن حدیث آخره باخ
.
یتنده محضر پیغمبر اولوالعزمه
دئنن کی گلشن عترتده باد صرصره باخ
.
فدک کی حق مسلّمدی غصب اولوندی بابا
صحابه ن ایچره اولان جائروستمگره باخ
.
بیری کراهتیلن مُهر ائدوب همان سَندی
بیری قباله نی جیردی سران کشوره باخ
.
دئنن مدینه نین اهلی اجازه وئرمه دیلر
کی ئوزائویمده توکم گوزیاشی جفالره باخ
.
ولی حکایت سیلی نی سویلمه زهرا
علی خجالت اولار شرمسار گوزلره باخ
.
اوکوچه ده نلراولموشدی سن دئمه باباوا
پیمبر آگه اولا گر قیام محشره باخ
.
علاوه ، محسنیوین شرحینی بیان ائتمه
اونا دئمه بابا دیواره باخ یانان دره باخ
.
فقط دئنن باباجان؛ اولدی هرنه ایله دیلر
طنابه باغلادیلار مرتضی نی ، اللره باخ
.
عم اوغلیوام ئورگیمده سٶزیم سنه چوخدی
بونی فقط دیورم سینم ایچره سوزلره باخ
.
ووراندا اود قاپیه دشمن جفاپیشه
ائویمده خوف وهراسه دوشن ئورکلره باخ
.
وفالی زینبین افغانی پوزدی حالتیمی
دیدی بابا دور ایاقه هجوم صرصره باخ
.
مگربابا سن همان خیبری ییخان دگی سن؟
یخیلدی ایندی ائوین دور قاپوندا لشگره باخ
.
قلنجی چکدیم ایاقه دورام گلم امّا
هجوم ائدوبدی قشون باغلی قالمیش اللره باخ
.
سوروندیریب آپاروبلار کی بیعت آلسونلار
خلافت امرینی غصب ایلین نگونسره باخ
.
اولاردی راضی مگرمرتضی کی بیرتِئلیوه
غبار غم قونا امّا جفای اَغبره باخ
.
گتیردیم ایندی سنی توپراق آتدا دفن ائلیم
یارالی سینیه باخ دلشکسته گوهره باخ
.
خوشا بهشت برینه کی عطریوی آلاجاق
گوزتلین یولیوی سلسبیل و کوثره باخ
.
«مصّیبی» او قدَر شاه دین قالوب تنها
دیئردی دردینی چاهه امام مضطره باخ
.
.
#فاطمیه_شهادت
#دونوبدی_قانه_سرشکیم_بوقانلی_گوزلره_باخ
#ترکی
.
✍️ #زبدةالاشعار ✍️
.
🆔: @nohe_torki
نظر دهید