دیلیمون ازبری کربلا کربلا #کربلا_حضرتی_ناعمی

در آرزوی زیارت کربلا
..
..
..
#سبک_همه_جا_بروم … #سبک_کربلا_کربلا … #سبک_آخشام_اولدی_ننه
..
..
..
حضرتی (ناعمی)
..
..
..
دیلیمون ازبری کربلا کربلا
عشقیمون کشوری کربلا کربلا
..
دلده چوخ سؤزوم واردی کربلا
کویونده گوزوم واردی کربلا
کربلا کربلا کربلا کربلا
..
..
..
..
..
توپراقوا قربان ای شرف دیاری
سنده کامل اولوب انسانلیق عیاری
قانیلن یازیلوب حرّیّت شعاری
ای ولا محوری کربلا کربلا
..
..
..
سنده تاپدی حیات صداقت مذهبی
سنده سوندی باتدی امامت کوکبی
سنده آچوب حسین شهادت مکتبی
شرافت سنگری کربلا کربلا
..
..
..
سنده یتمیش اولدوز بیر آی بیر گون باتوب
ظلمت فکر ایلدی او گون کامه چاتوب
گور نه جلوه لری ایندی ایشیقلادوب
یکسر عالملری کربلا کربلا
..
..
..
سندہ کی اور کلر زار و محزون اولار
داغلانار سینه لر غمله مفتون اولار
سنه قویسا قدم لیلی مجنون اولار
اختارار اکبری کربلا کربلا
..
..
..
سنده شادلیق یوخدور قارادی یازیلار
سنده آلنیلارا درد و غم یازیلار
سنده بَزَنیلسه حجله لر پوزولار
غم دوتار هر یئری کربلا کربلا
..
..
..
دریا دریا آخار صحرایه سو سنده
سنده قهرمانلار اولار سرافکنده
سو اوسته سقالار یاتاللار شرمنده
قان آغلار گوزلری کربلا کربلا
..
..
..
سنده هر گل آچسا غنچه وقتی سولار
سنده دست جفا لاله لری یولار
سود امر اوچ شعبه اوخا نشان اولار
اوزولر حنجری کربلا کربلا
..
..
..
سنده اولماز عهد و پیمانین دوامی
سنده کیمسه دوتماز قوناقی گرامی
سنده امّت عطشان ئولدورر امامی
آغلادار حیدری کربلا کربلا
..
..
..
سنده کی یولداشلار قالاللار یولداشسیز
سنده نازلی قیزلار یاشاماز گؤز یاشسیز
سنده اسیر اولار باجیلار قارداشسیز
دشمن اولار جری کربلا کربلا
..
..
..
سنده آخان قاندان قیزیل گللر آچدی
قیزیل گل لر عطری چولده آشدی داشدی
سنون شانلی باغون مین بهشتدن باشدی
حسیندی زیوری کربلا کربلا
..
..
..
سن عشقه بهاسان سن درده دواسان
سن روحه صفاسان سن خاک شفاسان
سن شیعه باوری سن کرب و بلاسان
ای بلا مظهری کربلا کربلا
..
..
..
ای منیم زینت سرشتیم کربلا
میخانام معبدیم کنشتیم کربلا
رضوانیم ،کربلا، بهشتیم کربلا
دیلیمون ازبری کربلا کربلا
..
..

#کربلا #حضرتی_ناعمی #آرزوی_کربلا #ترکی #زبدةالاشعار