یا مهدی
.
.
عباس داداش زاده ( فانی تبریزی )
.
.
دییردیم درد هجرانی قیامتدن علامتدور
ولیکن هر دمی گوردوم که مینلرله قیامتدور
.
تعالی‌الله! اولور ساطع یوزوندن نور اشراقی
که کوی عشق و عرفانه چو مصباح هدایتدور
.
یوزون عقلی ائدیر یغما گوزون روحی سوزون جانی
خالون ایمانی خطّون دینی ای مَه بو نه حالتدور
.
دوزوبسن چشم مست ئوسته خدنگ تار مژگانی
سنه قربان مگر جانا خیالون قتل و غارتدور
.
نگاه نرگس مستون ائدیر دیوانه عشّاقی
گوزون قربانی ناز ایتمه داخی غمزن کفایتدور
.
قدین سرو و صنوبردن یوزون خورشید انوردن
گوزون لبریز ساغردن لبون مِی‌دن حکایتدور
.
قاشون محراب اولوب مفتون عشقه دیر و مسجدده
جمالون سیری ای دلبر بو عشّاقه عبادتدور
.
پریشان کاکلون جانا دئدیم پابند کفر ایلر
ولیکن آنلییب گوردوم کی ایمانه دلالتدور
.
قیام قامتون جانا گورن حیران اولوب سویلر
تعالی‌‌الّه: بوقامتدور؟ و یا سور قیامتدور؟
.
فروغ عارضون گورجک دیدیم یارب نه صورتدور
وجاهت دور؟ ملاحت دور؟ ویا عین صباحتدور؟
.
یازاندا کاتب خلقت ازل گون مصحف عشقی
آدین تذهیب دیباچه او مصحفده کتابتدور
.
ملامت ایتمه گر عاشق اولوب مجنون زنجیری
اسیر زلف لیلادور که زنجیر ارادتدور
.
طریق عشق جاناندا عزیزیم جان نه لازمدور
بویولدا ترک جان اتمک ازل‌گوندن شهادتدور
.
حقیقت آختاران عاشق گرک ترک مجازایتسون
نچون راه حقیقتده ازل ترک ضلالتدور
.
اورک باشون دَلَه هرآن سنون عشقنده مین پیکان
باسوب آغوشیمه جان تک یقین بولّم عنایتدور
.
اگر چه آرزو دلده ازلدن وصل یار اولموش
ولیکن درد هجراندا نگاریمدن عنایتدور
.
تشکر ایلرم منّت قویوب گر جانمی آلسان
سنون کوی وصالونده منه ئولمک سعادتدور
.
ندای ارجعی گر ایستی‌سن جانانیدن، دلدن
شهادت ایسته ای عاشق که مفتاح ضیافتدور
.
خیال حور و کوثردن گیچوبدور « #فانی » مسکین
فقیر عشقه ای زاهد غم دلدار دولتدور
.
.
.
#مهدیه
#دییردیم_درد_هجرانی_قیامتدن_علامتدور
#فانی_تبریزی
#ترکی
#زبدةالاشعار
نظر دهید