رمضانیه
.
.
هدایتی تبریزی
.
.
ذات حق آچیب سفرۀ عرفان رمضان دا
دعوت ائلیوب مومنی مهمان رمضان دا
.
عارف لر اوچون دعوت شاهانه گلوب دور
مهمان اولاجاق زمرۀ شایان رمضان دا
.
مست ایلیوب عارف لری بو عشقلی دعوت
عشّاقه یاغار رحمت رحمان رمضان دا
.
وار کیمده علاقه کی عروج ایله سین عرشه
لبّیکین ائشدسین حق سبحان رمضان دا
.
رحمت دی ، نعیم برکت ، نعمت غفران
تطهیره چاتار جملۀ خوبان رمضان دا
.
فضل و ادب و مهر و وفا اهلنه خوشدور
عرشه اوجالا چون مه تابان رمضان دا
.
هر محفلین اوز خوشلویانی جمع اولار اوردا
چوخ جلوه لی دور محفل جانان رمضان دا
.
قرآن آیی دور ، حکمت و رحمت آیی یاران
عاشق آپارار فیض فراوان رمضان دا
.
معشوق آچیب عاشق لرینه سفرۀ رحمت
عاصی لره وار نعمت غفران رمضان دا
.
بو میکده ده ریب و ریادن خبر اولماز
بولمز اوزونو فرقۀ مستان رمضان دا
.
وئر باش دئسه معشوقی ، وئرر باشنی عاشق
بی منّت ائدر جانینی قربان رمضان دا
.
هنگامۀ وصلت ، یادا دوشمز یماق ایچماق
شوریده لره وار سروسامان رمضان دا
.
مین درد اولا یاددان چخار عشق اولسا عزیزیم
وار آیرلقین دردینه درمان رمضان دا
.
مشکل دو کی مشکل وئره عشق اهلینه تغییر
عشق اهلی سانار مشکلی آسان رمضان دا
.
سِوسن کی سنیله دانشا خالق رحمان
کوثرله وضوء قیل اوخو قرآن رمضان دا
.
ایستورسن اگر کی دئیه سن خالقه دردون
صدقیله دعا ایله کماکان رمضان دا
.
قیل کوثر توبیله طهارت سنه قربان
اول تابع حق ایلمه عصیان رمضان دا
.
طاها سیر اول منطق طاهانی قبول ائت
طاها سوزو اولسون سنه رجحان رمضان دا
.
وار مکنت اگر یوخسولا دا بیر نظر ایله
قدر آرتار اگر ایله سن احسان رمضان دا
.
ایتامه ترحّم ایله بیر باشنه ال چک
قوی اولسون اودا شاد و خرامان رمضان دا
.
تحمیل ایلمه حکمووی فرمانبر زاره
احکام ثقیل ایلمه فرمان رمضان دا
.
شیطان دان اوزاق گز ، سال اوزون درگه حقّه
زنجیرده دی فرقۀ شیطان رمضان دا
.
آچ سفرۀ احسانوی وئر مومنه افطار
آل جنّتی ای رهرو ایمان رمضان دا
.
بیر حال ایله ایجاد اوزووه درک ایله حقّی
ایفا اولا قوی عهدیله پیمان رمضان دا
.
تسبیح اولا قوی هر نفسین ، یاتماق عبادت
مقبول عملین ایلیه یزدان رمضان دا
.
پاکیزه اورک ایستوری تا پاک اولا نیّت
پاک ایت دلین اول طالب رضوان رمضان دا
.
صدق دلیله نیّت پاکیله چاغرسان
لبیک دئیر خالق حنّان رمضان دا
.
دلدن طلب ایله کی موفّق ائده الله
صائم اولاسان سالم و شادان رمضان دا
.
غفران آیی دی ایله طلب مغفرت حقدن
آل نامۀ آزادی نیران رمضان دا
.
وئر سجده وه طول اولسا آغیر وزر و وبالین
تا محو اولا پیوسته گناهان رمضان دا
.
بیر جرعه سو ، یا نصفۀ خرمانی وئر افطار
اود دان قوتار ای محترم انسان رمضان دا
.
بدبخت او آدام دور کی باغشلاندرا بیلمز
عصیان لارنی ، افضل دوران رمضان دا
.
آجلق دا ، سوسوزلوق دا ، قیامت یادا دوشسون
ای ذات حقین لطفونه عطشان رمضان دا
.
کوچک لره رحم ایلیون حرمت کبرایه
ایلون صله رحم اهل مسلمان رمضان دا
.
گوش و دل زی ، چشم زی حفظ ایلون حرام دان
امساک ائدین ای زمرۀ پاکان رمضان دا
.
الله قوناقی اللّها لایق عمل ائدسین
فخر ائدسین اونا عالم امکان رمضان دا
.
اخلاق وی تطبیق ائله سن خلق عظیمه
اطرافون آلار جمع محبّان رمضان دا
.
ایستورسن اگر جسر صراط حکم عبورین
خوش خلق اول ایا صائم سلطان رمضان دا
.
واجب عملین ضرب اولار هفتاده ثوابی
رحمت یاغار هر لحظه و هر آن رمضان دا
.
میزان عمل ده ، عمل خیر اولی سنگین
پیغمبره صلواة اوخودوقجان رمضان دا
.
سبقت ائله خیره ، اوزاق اول شرّ و حسددن
حق باطل آرا قوی گیله فرقان رمضان دا
.
ابواب جنانی آچیب حق عبدنه خاطر
اکرام ایلیوب عبدنه مننان رمضان دا
.
ابواب جهنّم قاپانب رحمت حقدن
کس گورمیه تا آتش سوزان رمضان دا
.
ای دینینی دنیایه ساتان هئچ خبرین وار
دنیایه دیَر بخشش دیّان رمضان دا
.
مشتاق عبادات و دعا ، فیضه چاتارسان
شعله چکه دل ، گوز اولا گریان رمضان دا
.
دوت طرز عبادات علی نی نظرینده
نالان دی نجه گور شه مردان رمضان دا
.
مولایه دئینده توکولور اشکی جماله
حیدر ائلیور گور نجه افغان رمضان دا
.
وئرمشدی خبر مرشد اعظم او جنابه
محرابه بولوردی توکولر قان رمضان دا
.
بیر عمرودی اول لحظه سنین منتظریدی
بذل ایلیه دلدارینه تا جان رمضان دا
.
سیر ایلدی بیر انجم و آفاقی او حضرت
گوردو اولاجاق قانینه غلطان رمضان دا
.
گوزلور سحر صادقی اول عاشق صادق
قانیله محاسن اولا الوان رمضان دا
.
الله بو نجه عشق دی مولا یاتا بولمور
قالمور او قدر عرش اولا لرزان رمضان دا
.
صهبای شهادت دن علی کام آلا خوشدور
قلبی دویونور ، داغ دی شریان رمضان دا
.
.
#رمضانیه
#ذات_حق_آچیب_سفرۀ_عرفان_رمضان_دا
#هدایت_تبریزی
#ترکی
.
نظر دهید