ذبیح اعظم دین محمد #حسینیه_یحیوی_اردبیلی

حالات شهادت حضرت اباعبدالله الحسین علیه السّلام
#میانداری
.
.
مرحوم یحیوی
.
.
ذبیح اعظم دین محمّد
حسینیم وای حسینیم وای حسینیم
نشان تاج آئین محمّد
حسینیم وای حسینیم وای حسینیم
.
.
عربلر حلقه ووردی مثل زنجیر
اراده چون نگین بیر سیّد پیر
یاغیش تک اوستونه یاغدیردیلار تیر
او قدری قان گئدوب ضعف ائتدی تاثیر
حسینون تا الیندن دوشدی شمشیر
پیمبرلر دئدی با صوت تکبیر
حسینیم وای حسینیم وای حسینیم
.
.
امامون ذوالجناح الهامین آلدی
خَم ائتدی دیزلرین نیم خیز قالدی
یرون توپراقی جوش ائتدی اوجالدی
قوم اوسته شهپرین جبریل سالدی
دوتوب زهرا اونی آغوشه آلدی
دئدی ای جان مادر بو نه حالدی
حسینیم وای حسینیم وای حسینیم
.
.
دوشوب گهواره تک جنبش جهانه
یتوب رعشه کرات آسمانه
شبیه اولدی هوا آتش فشانه
حسین گلمیش مقام امتحانه
دم خنجر دایانمیش استخوانه
گلوب گوگدن صدای عاشقانه
حسینیم وای حسینیم وای حسینیم
.
.
چخوب جناتیدن جدّی پیمبر
علیّ المرتضائیلن برابر
دالیجاق مجتبی دلبند حیدر
خلیل و آدم و نوح معمّر
گریبان چاک و آشفته مکدّر
حسینی گورجگین سسلندی یکسر
حسینیم وای حسینیم وای حسینیم
.
.
قرا توز قوزانوب سطح جهاندان
اوچان قوشلار چکوب ال آشیاندان
چیخوب ضجّه صداسی جنیاندان
ملک منصوردن کروبیّاندان
ندای غیبی گلدی آسماندان
حسینیم وای حسینیم وای حسینیم
.
.
اویاندا طبل و شیپورون صداسی
عمر سعدون باشیندا ری هواسی
دایانمیش منتظر شمرون جداسی
بویاندان زینبون نی تک نواسی
حسینون سینه ده دورت مین یاراسی
دمادم سسلنور زهرا آناسی
حسینیم وای حسینیم وای حسینیم
.
.
امامون امرینون آخر زمانی
حرملر ترک ایدوب خیمه سرانی
گوروب سر نیزه ده نور خدانی
هجوم ایتدی او ماتم کاروانی
آرایه آلدیلار قانلو جدانی
نوا دولدوردی دشت نینوانی
حسینیم وای حسینیم وای حسینیم
.
.
نمایاندور حسینون گوزلریندن
چکور گویا خجالت خواهریندن
پریشان زلف و قاره معجریندن
صدا گلدی کسیلمیش حنجریندن
باجی قورخما بو شامون لشگریندن
حرملر سس وئروب دور و بریندن
حسینیم وای حسینیم وای حسینیم
.
.
گوروب قانلو باشی قاچدی سکینه
اونا ساری یوخونلاشدی سکینه
ایکی قوللارینی آچدی سکینه
او نیزه ایلن قوجاخلاشدی سکینه
کسوک باشیله آغلاشدی سکینه
سفر پیمانی باغلاشدی سکینه
حسینیم وای حسینیم وای حسینیم
.
.
.
#حسینیه #یحیوی_اردبیلی #حسینیه_شهادت #ترکی #زبدةالاشعار