در شهادت حضرت پیغمبر(ص)
زبان حال آن حضرت خطاب به حضرت زهرا(س)
گریز به حضرت سیدالشهدا (ع)
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی_قزلاروندان …
.
مرحوم صحاف تبریزی
.
.
آغلاما منیم غمیمده
فاطمه چوخ ایتمه ناله
تیز یتر قیزیم سنونده
عمریون گونى زواله
.
سنی اشقیای ملّت
خوش گونه قویالّا حسرت
محنت و مصیبتونده
ماسوا باتار ملاله
.
.
.
گلمه نی کیمی توایه
توکمه بیله اشگ دیده
سرو قامتون اولار تیز
بار غصه دن خمیده
یانمه منیم گلور سن
دست ظلمیله شهیده
اود دوتوب یانار اورکدن
غملرون سالان خیاله
.
.
.
ظلم الیله بزم شورا
قوم کینه جو قورالار
جور و ظلمیله سراسر
ماسوانی دولدورالّار
مَلَک اذن الان قاپووا
اهل کینه اود ورالّار
ساخلامازلار احترامون
آغلارام قیزیم او حاله
.
.
دوندرور وفاسیز امت
گوزیاشون او گونده قانه
تیر محنته ایده للر
داغلى سینه وی نشانه
سقط اولار بالان وورالّار
قولّاریوا تازیانه
اوج ائدر فغان و نالن
طاق عرش کبریایه
.
.
موج ائدر آشار باشوندان
رنج و درد و غصّه سیلی
گل کیمی جمالون ایلر
دشمنون جفاسی نیلی
تئز سالار سنی ایاقدان
فاطمه جفای سیلی
شرح ائدم او ماجرانی
یوخدی طاقتیم مقاله
.
.
ای یگانه درّ درج
عزّ و شوکت و جلالت
بو قدر جفایه ائتمز
قوم کینه جو کفایت
پشت درده زخم مسمار
سینه ده ائدر اصابت
صبرایله قیزیم جفای
اشقیای کین خصاله
.
.
چوخ چتین ائدر تحمل
گورسه گر او حالی زینب
سیل تک توکر عذاره
گوزون اشک آلی زینب
غم یمه قالار یرونده
نایبه بلالی زینب
غصّه دن دونر سنون تک
سرو قامتی هلاله
.
.
اوندا که چکر حسینی
اهل کینه کربلایه
صبر ائدر او چولده زینب
سن کیمی هامی بلایه
قارداشین گورنده باشسیز
آهی اوج ائدر سمایه
دلدن اود دوتوب اَلولار
ظلم لشگر ضلاله
.
.
سینون أوسته بسلَنَن یر
پیکره ایدر نظاره
زلفنی ائدر پریشان
گوز یاشین توکر عذاره
پاره پاره قانلی نعشین
جان کیمی آلار کناره
تاب ائده دل ایستر أوندا
غملی بیر زبان حاله
.
.
عرض ائدر نه حالدور بو
ای شهنشه لب عطشان
باشوی کسوبله عطشان
پیکرون سالوبلا عریان
اولمادی مگر اوتوز مین
لشگر ایچره بیر مسلمان
قویمییدی آت دولانسون
نعشون أوسته لا محاله
.
.
بولدیریدی خلقه سنسن
کشتی نجات حسینیم
تشنه جان ویرن بو چولده
چشمۀ حیات حسینیم
گوز تیکر سنه جزاده
کل کائنات حسینیم
تا ممانعت ائدیدی
ظلم قوم بد فعاله
.
.
گرچه زینبون چوخ اوخشار
دیده بارشینده ابره
ایتموسن منی وصیّت
جور اشقیاده صبره
صبر ایدوم نجه قویان یوخ
نعشوی بو چولده قبره
کوچ ایده باجون یارالی
دلده داد و آه و ناله
.
.
شمر قویمادی ئولنده
گوزلریوی باغلییدیم
باشون أوسته باجیلار تک
سس چکوب بیر آغلییدیم
پاره پاره نعشون أوسته
باری سینه داغلییدیم
قانلی اشگیمی توکیدیم
بو گل أوسته همچو ژاله
.
.
ای عزیز فاطمه وی –
شهریار کل عالم
اون نفر سنى سِوَنلر
ویردیلر صحافه چون دم
ایسته قبریوه گلن بیر
اربعین بو جمعی باهم
قیل وسائلین فراهم
بیر برات ایله حواله
.
.
#پیامبراسلام_صحاف_تبریزی
#پیامبراسلام_شهادت
#آغلاما_منیم_غمیمده_فاطمه_چوخ_ایتمه_ناله
#ترکی
.
✍️ #زبدةالاشعار ✍️
.
🆔: @nohe_torki
نظر دهید