راحت نفس آنام چکه امکانی اولمادی #فاطمیه_علیوی

زبانحال خانم زینب سلام الله علیها در سوگ مادر
..
..
عُلیوی
..
..
راحت نفس آنام چکه امکانی اولمادی
بعد از رسول حق لب خندانی اولمادی
..
انسان مریض اولاندا طبیب لر دوا یازار
اما آنام مریضیدی درمانی اولمادی
..
داغلار چکیلدی قلبینه درد زمانه دن
هیچ بیر داغین باشی بئله طوفانی اولمادی
..
بسترده یاتدی گلمدی امت عیادته
باغلی قالوب قاپیلاری مهمانی اولمادی
..
گئت گل کسیلدی اولمادی دیدارینه گلن
هئچ کس ائوینده بیر بئله زندانی اولمادی
..
محنت گلر ولی قوتارار دینجلر بشر
بو درد و غملرین حله پایانی اولمادی
..
اوچ یوز نفر علی قاپوسین گلدی یاندیرا
شهر نبی ده رسم مسلمانی اولمادی
..
بیر ولوله قوپوپ قاپیدا گویلر آغلادی
هیچ مظلومون ایشی بئله بحرانی اولمادی
..
قوپدی ائوینده محشری،خاتون محشرین
دشمن ویراندا ضربه نگهبانی اولمادی
..
قالدی قاپیلا دیوار آراسیندا پیکری
خاتون شهریدور ولی دربانی اولمادی
..
مسمار باتدی سینه سینه باتدی سینه سی
فریاده سسلسین شه مردانی اولمادی
..
حقدن بویوردی شرم ائلیون ویرمیون منی
اما اورگده دشمنین ایمانی اولمادی
..
دین نن دیوردیلر ولی آتموشدیلار دینی
غاصبلرین عمل لری قرآنی اولمادی
..
سندی قابیرقاسی قولی،سقط اولدی محسنی
قصد ایلدی ایاقه دورا جانی اولمادی
..
دینون یولوندا چوخلار اولوبلار فدا ولی
محسن مثالی غصه لی قربانی اولمادی
..
ظلم اهلی تاپدی سیطره دنیاده علیوی
مؤمنلرین زمانه ده دورانی اولمادی
..
..
#فاطمیه #علیوی #فاطمیه_شهادت #ترکی #زبدةالاشعار