ای زینبی آغلار قویان باغریقان زهرا #فاطمیه_شهاب_اهری

زبانحال حضرت علی (ع) در شهادت حضرت زهرا (س)
..
..
#سبک_ممد_نبودی_ببینی … #سبک_بزم_عزاده_گیمیشم … #سبک_ای_دلبر_آزادگان
..
..
حسین شهاب پور اهری
..
..
ای زینبی آغلار قویان باغریقان زهرا
باغریقان زهرا
سن سیز اولوب بیت الحزن دودمان زهرا
دودمان زهرا
ای منیم غمخواریم
محرم اسراریم
..
..
عمرون گونی باتدی نه تئز ای گل طاها
ای هستۀ نخل وفا، شاخۀ طوبا
قالدى بو یثربده علی گور نئجه تنها
واردور اؤرکده غملی بیر داستان زهرا
..
..
هجرونده اشگیم عارضه، باغلارام یانام
یاده سالوب محنتلرون، آغلارام یانام
شرح ملالینده اؤرک، داغلارام یا نام
ای گلستان عترته باغبان زهرا
..
..
افسوس اولا گلزار ،دین ظلمیله سولدی
عزت اثاثین ،فاطمه پایمال اولدی
بو دوقوز ایل قلبون سنون، قانیله دولدی
آلدی عجب دار فنا امتحان زهرا
..
..
هیچ گل چمنده ،فاطمه، سن کیمی سولماز
هئچ بیر بولوت گویده یقین، من کیمی دولماز
هیچ بیر بالا زینب کیمی، اشکبار اولماز
اولموش حسینیله ،حسن باغریقان زهرا
..
..
سینون جفای ،ثانیدن زخمدار اولدی
گوردی علی سیلی یئرین، دلفکار اولدی
دیواره قویدی ،صورتین اشکبار اولدی
آغلار بو حاله ،عرشده، قدسیان زهرا
..
..
دوتموش حسین و مجتبی زینبون ماتم
جنتده باتمیش ،ماتمه، حضرت خاتم
سارا ائدور آه و نوا، آغلوری مریم
یثرب اولوب بیت الحزن، آشیان زهرا
..
..
لایلای شبانه دفن اولان همسریم لایلای
گل واژۀ باغ نبی دلبریم لایلای
دور گور نه قوینومدا قالوب اللریم لایلای
سن سیز اولوبدور گوزلریم خونفشان زهرا
..
..
گئتدون مزاره فاطمه سینه سی یاره
یانام دوشنده گوزلریم قانلی مسماره
قالدی عم اوغلون فاطمه ایندی آواره
نیلوم منه کیمدور اولان هم زبان زهرا
..
..
..
#فاطمیه #شهاب_اهری #فاطمیه_شهادت #ترکی #زبدةالاشعار