ربیع الاولین اون یدّیسینده #17ربیع_واصف_مرندی

در ولادت و شهادت حضرت امام صادق علیه السلام
.
✍️ زبدة الاشعار ✍️

?: @nohe_torki
.
احد ظهرابزاده ( واصف مرندی )
.
ربیع الاولین اون یدّیسینده
اولوب شق القمر اما زمینده
امام باقرین رحمت ائوینده
پیمبر عطرینی آلدی خلایق
آچیلدی گول کیمین سیمای صادق

.
امام ساجدین گولدی جمالی
داغیلدی قلبیدن درد و ملالی
ستایش ائتدی ذات ذوالجلالی
بویوردی لطف حقدی بی نهایت
آدین جعفر قویوب طبق روایت

.
آدی جعفر ولی القابی صادق
نجه صادق متین مرد حقایق
نه علامه نه فیلسوف ومحقق
حضوریندن آلار درس الهی
اودی گلزار ائدر نیمه نگاهی

.
پیمبر شهرعلمیدی علی باب
امام صادق او شهره شرفیاب
کمال و معرفتده حیدر آداب
قالا تا جاودانی دین و مکتب
ائدیب اسلامیده تأسیس مذهب

.
ویریب آرم نبوت سر درینده
گلن علامه اولدی محضرینده
اوتوردی دانش اصلی یرینده
بوتون احکامی علمیلن یریتدی
احادیثیلن اسلامی دیریتدی

.
یازاندا نوحه لرده من بکاسین
وئرر کرببلا حال و هواسین
دوتاردی جدّینین ایلده عزاسین
قرا کوینکلره قیمت وئرردی
مُحبه وعده ی جنت وئرردی

.
اولاندا روزهای فاطمیه
پوزاردی حالینی غملی قضیه
وئرردی نوحه خوانلاره هدیه
چکردی دودمانه غم قراسین
سنیق لحنیله اوخشاردی آناسین

.
بنی عباسیلن اولدی مواجه
که ئوز اجدادینه اولدی مشابه
قویوب رفتارینه منصوری واله
جنایاته آچیلدی دست و پنجه
وئریلدی روحینه هرگون شکنجه

.
یازیلار بیرگجه ملعون منصور
ویریب بیر حاجبینه بیله دستور
گتورسون حضرتی محزون ومجبور
حریم عصمته دوشدی شبانه
نماز اوستیدی حضرت صادقانه

.
امامه حکم منصوری یتوردی
ادب رسمین طریقتده ایتوردی
ایاق یالین گجه یاری گتوردی
قوجا بیر سید آتمیش اوچ یاشیندا
یوخویدی حتی عمامه باشیندا

.
گچنده اول قرانلیق کوچه لردن
گچوردی خاطرات غم نظردن
کأنَّه بیر آنا سسلندی بیردن
مواظب اول بورا کوی خطردی
آنون زهرا هنوزدی خونجگردی

.
گئدیرسن نصف شب بزم عزایه
بیبین زینبده دوشدی بو بلایه
دوچار اولدی یزید بی حیایه
طریق عشقیده ایله تحمل
خطرده عمه وه ایله توسل

.
#17ربیع
#صادقیه_مدح
#صادقیه_شهادت
#ربیع_الاولین_اون_یدیسینده
#واصف_مرندی
#ترکی
.
✍️ #زبدةالاشعار ✍️
.
?: @nohe_torki