زبدةالاشعار

ای کرب و بلا سندہ کی قربانلارا قربان #کربلا_فاکر

خطاب به #کربلا
.
✍️ #زبدةالاشعار ✍️
.
🆔:@nohe_torki
.
#سبک_ای_باد_صبا … 7 سبک
.
فاکر
.
ای کرب و بلا سندہ کی قربانلارا قربان
ناحق او بیاباندا آخان قانلارا قربان
.
ای کرب و بلا سن نه گوزل آدلی مكانسان
اسموندی قویان چشم حسینی لری گریان
جانانینه بیر جمع وئروب سنده سوسوز جان
جانلار ائله بیر جمعه، ائله جانلارا قربان
.
.
ای قانینی توپراقینه بیر جمع قاتان یر
یوخ شأن و شرافتده سنه بیرجه چاتان یر
اشرفدی هامی یردن او بیر عده یاتان یر
سنده باش اگن شاهلارا سلطانلارا قربان
.
.
بیر یر هانی سندن اولا تا شأنیده برتر
ای تربتی محبوب خدا جسمینه بستر
دل سنده کی شش گوشه اولان قبری چوخ ایستر
بیر شه ایکی شهزاده او عطشانلارا قربان
.
.
قان اولدی گوگل کرب و بلا ذکر غمینده
بیرجه نولی گوز یاشلی دوریدوق حرمینده
وار چشم امید اول شه خوبان کرمینده
ائتدیکلری چوخ لطف و چوخ احسانلارا قربان
.
.
یوخدور بو شهین دهریده مانند و نظیری
حیرتده قویوب همتی هر شاه و امیری
اسلامه فدا پیر و جوان طفل صغیری
بیر گونده ائدن جان او مسلمانلارا قربان
.
.
جان وئردی اوزی تشنه نه تک مقصده یتدی
قارداش اوغول اوز گئتدیگی مقصودیله گئتدی
یارانی گلن تیره وجودین سپر ائتدی
اوخدان پر آچان پیکری شان شانلارا قربان
.
.
دین اوسته هانی بیر شه ئولوم جامینی ایچسون
اصحابی هامی یاوری جاندان ائله گئچسون
لیلا کیمی یا اوغلونا خلعت اوزی بیچسون
سیر ایلین ایمانه او ایمانلارا قربان
.
.
سو صحبتی چون طاقت ابوالفضلیدن آلدى
اطفالین عطش ناله سی گوردی چوخ اوجالدی
بیر مشگ سوسوزلاردان آلوب چگنینه سالدى
جانین ائده تا دیده سی گریانلارا قربان
.
.
صد حیف اولا اما هامی زحمت تلف اولدی
زحمتلرینون حاصلی آه و آسف اولدی
دورت مین اوخا سقا اوزی مشگی هدف اولدی
حالیندن اولان حالی پریشانلارا قربان
.
.
اوخلاندی سو مشگی سوئی قانی کیمی آخدی
حفظینده الى اولمادی آخدیقجا سو باخدی
یاندیردی او حسرت دل سوزانینی یاخدی
بو غمده یانان سینه ی سوزانلارا قربان
.
.
باغلاندی گینه کرب و بلانین یولی یارب
سنسن گئجه نی گوندوز ائدن گوندوزی یا شب
قان اولسون اورکلر بئله قویما سنی زینب
بو غصه ده فاکر اورگی قانلارا قربان
.
.
#کربلا_آرزوی_کربلا
#ای_کرب_و_بلا_سندہ_کی_قربانلارا_قربان
#ترکی
.
✍️ #زبدةالاشعار ✍️
.
🆔:@nohe_torki

متن پیشنهادی:  اربعین زائریوخ حضرت ثاراللهه #اربعین_شایان_ارومیه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی