رحلت ائدیب امامتین آلتیمجی گوهری #صادقیه_مختار_صادق_زاده

شهادت حضرت امام جعفر صادق علیه السلام
.
✍️ زبدة الاشعار ✍️
.
🆔: @nohe_torki
.
حاج مختار صادق زاده
.
رحلت ائدیب امامتین آلتیمجی گوهری
آغلار قویوبدی شیعه لری عشق رهبری
.
دریای علم و عالم آل محمدی
صدق و صداقتی گوزل اخلاقی احمدی
.
باقر امامین اوغلی آدی جعفر صدیق
دریای علمی عقله سیخیشمازدی چوخ عمیق
.
شیعه جلالتین اونا مدیونودور بلی
بو مکتب ولایته خورشید منجلی
.
بِیله جلالتی اولانین گئت مزارینه
قویموللا شیعه لر گئده قبرین کنارینه
.
هرکس گوروب بقیعنی بیلر که ندیر سوزوم
اطراف نرده لرده گئدر شیعه دن دؤزوم
.
گونلر ائوینده قبری قالیب سایه بانی یوخ
قبرین اوپوم طواف ائلیب آغلیانی یوخ
.
زواری نیسگیلیله دوروب دوره دن باخار
تیترر وجودی قلبی یانار گوز یاشی آخار
.
ایندی گلین عزایه گلنلر وئرین قولاق
زوار اولاخ امام رضایه بِالْاِتفاق
.
بوردان سلام ائدک او گوزل بارگاهینه
آغلار گوزیله عرض ائلیاخ طوس شاهینه
.
مولا غریب دئییله سنه بو جلالیله
بیر گون گوتور قوناقلاری عزم بقیع ائله
.
گئت نصف شب بقیعه سفر ائیله سن اگر
تا گورمه سین اماندی سنی قوم فتنه گر
.
بوردا سنین مزاریوی گوز یاشلاری یووا
اوردا وهابیلر هامینی دوره دن قووا
.
بوردا سنون مزاریوین حدسیز قوناغی وار
گویده ستاره لر قدری چلچراغی وار
.
اوردا قالیبدی ظلمت ایچینده ستاره لر
قویمولا شمعی ده یانا اول قلبی قاره لر
.
بوردا یویوللا قبریوی هرگون گولابیلن
اوردا قالیبدی توپراغ ایچینده اوگول بدن
.
قربان اولوم جلالیوه ای شیعه رهبری
بنیانگذار مکتب زیبای جعفری
.
من ایسترم وصیتیوه ائیلیم عمل
بیز آغلیاق حسینیوه سنده عزایه گل
.
دنیاده یوخدی جدین حسین مثلی جان وئرن
الله مقابلینده دوروب امتحان وئرن
.
.
#صادقیه_شهادت
#رحلت_ائدیب_امامتین_آلتیمجی_گوهری
#ترکی
.
✍️ #زبدةالاشعار ✍️
.
🆔: @nohe_torki