رحم ایله منیم حال پریشانیمه یارب #کاظمیه_خادم_تبریزی

زبانحال امام کاظم (ع)
.
.
مرحوم حاج احمد پور عطا (خادم تبریزی)
.
.
رحم ایله منیم حال پریشانیمه یارب
بوینومداکی زنجیریمه زندانیمه یارب
.
یثربده گوزی یولدا قالان آل رسوله
بغدادده بو دیده ی گریانیمه یارب
.
جان اوسته اوزوم یولدا گوزوم گوشه ی زندان
یوخ رحم ایلیین ناله و افغانیمه یارب
.
مدّتدی یوزون گورمه میشم اوغلوم علینون
جان ویرمه مش ایکاش گله بیر یانیمه یارب
.
معصومه باشیم اوسته دگل حالیمه یانسون
گوز یاشلی سو سپسون دل سوزانیمه یارب
.
مدّتدی عیالیم یوزونه حسرتم آخر
هیهات یتوشم عترت نالانیمه یارب
.
ئوللم بولورم اوچ گونه تک دفن ایدن اولماز
کیملر گله جاق شام غریبانیمه یارب
.
من عترتیمون حسرتی، (خادم) منه حسرت
باغلاندی یولوم گلمه میش ایوانیمه یارب
.
.